18.04.2026 | 10:23
Վաղը Նուբարաշենից Բարձրաշեն ճանապարհը ժամանակավորապես կփակվի
Շուռնուխում հիմնական խնդիրը գյուղատնտեսության և անասնապահության հետ է կապված․ ակտիվ աշխատում ենք․ ՏԵՍԱՆՅՈՒԹ
Հասարակություն
18.02.2021 | 11:55
Սյունիքի մարզի բնակչությանը հուզող հիմնական հարցը անվտանգության միջավայրի պահպանումն է: Այս մասին կառավարության այսօրվա նիստում ասաց Սյունքի մարզի հարցերով զբաղվող աշխատանքային խմբի ղեկավար, վարչապետի խորհրդական Ռոբերտ Ղուկասյանը:
«Շուռնուխում հիմնական խնդիրը գյուղատնտեսության և անասնապահության հետ է կապված:Մարդիկ իրենց գյուղատնտեսական աշխատանքներն ու անասնապահական աշխատանքները ծավալում էին ավելի լայն տարածություններում, որի հնարավորությունն այսօր չունեն: Հատկապես խնդիր է առաջանում Որոտանում, որի վարչական շրջանը շատ փոքր է: Այս խնդիրների լուծման ուղղությամբ ակտիվ աշխատում ենք՝ համագործակցելով էկոնոմիկայի և Շրջակա միջավայրի նախարարությունների հետ»,- նշեց Ղուկասյանը՝ հավելելով, որ շուտով վերջնական լուծումներ կլինեն, որոնք կապված կլինեն ջերմոցային տնտեսությունների, ինտենսիվ այգիների, «խելացի» անասնագոմերի հետ, և հաջորդ նիստում կներկայացվեն վերջնական որոշումներ:
Ռոբերտ Ղուկասյանը նաև տեղեկացրեց, որ քանի որ մոտենում է գյուղատնտեսական աշխատանքների սեզոնը, արդեն Սյունիքի մարզում սկսել են ականազերծման աշխատանքները:
Վարչապետ Նիկոլ Փաշինյանը նշեց, որ նման կոնկրետ քայլերի արդյունքում սյունեցիները կզգան, որ կառավարությունը կանգնած է իրենց կողքին:
Մանրամասները՝ տեսանյութում:
