17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Քաղաքացիներն ուզում են տեսնել՝ սխալվել են, թե՝ ոչ․ Հակոբ Ասլանյանը ներկայացրեց՝ ինչո՞ւ չպետք է լինեն արտահերթ ընտրություններ. ՏԵՍԱՆՅՈՒԹ
Քաղաքականություն
15.02.2021 | 15:12
«Այսօր թուրքն ուրախանում է, որ դուք աթոռակռվի հետևից ընկած՝ ոչնչացնում եք մեր պետականությունը»,- այս մասին լրագրողների հետ ճեպազրույցում, անդրադառնալով ներքաղաքական իրավիճակին և դիմելով «17+» ձևաչափում ընդգրկված ուժերին, նշեց «Իմ քայլը» խմբակցության պատգամավոր Հակոբ Ասլանյանը:
Պատգամավորը համոզված է, որ արտահերթ ընտրությունների մասին խոսողները չունեն վերլուծական կարողություններ․ «Թող չվիրավորվեն։ Չեն վերլուծում իրավիճակը։ Նախ, իրենք ասում են, թե իրենք պետք է ընտրություններ կազմակերպեն, բայց մոռանում են, որ ՀՀ քաղաքացին 90թ․-ից հետո առաջին անգամ կատարել է ընտրություն և ուզում է իմանալ՝ որքանով է ճիշտ, որքանով՝ սխալ։ Հինգ տարի ժամանակ է տրվել նոր իշխանությանը…
Ժողովուրդն է այս երկրի տերը, դուք չեք կամ մենք չենք։ «17+», դուք ձեզ հարց տվե՞լ եք, որ օրենքով կուսակցությունները երկու հազար մարդ պետք է ունենան, այսինքն՝ 14 000 մարդ միայն պետք է ձեր անդամը լիներ։ Ձեր հանրահավաքներին առնվազն 15 000 մարդ պետք է լիներ միայն ձեր կուսակցություններից։ Ստացվում է, որ ձեր կուսակցականներն էլ համաձայն չեն ձեզ հետ, չեն ուզում ընտրություններ, քանի որ 7400 ավելի մարդ չի հավաքվել»։
Պատգամավորի դիտարկմամբ՝ «17+»-ն ընտրություններ չի ուզում, իշխանություն է ուզում, իսկ ժողովուրդը իշխանությունը չի տա նրանց:
Մանրամասները՝ տեսանյութում:
