18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Նովոսիբիրսկում ու Տոմսկում ահաբեկչական խմբավորման անդամներ են ձերբակալվել
Քաղաքականություն
15.02.2021 | 14:35
Ռուսաստանի Նովոսիբիրսկ ու Տոմսկ մարզերում ձերբակալվել են երկրում արգելված միջտարածաշրջանային «Կատիբա Տաուխիդ վալ-Ջիհադ» ահաբեկչական կազմակերպության զինյալներ, հայտնում է ՌԻԱ Նովոստին։
Նրանք զբաղվել են ահաբեկիչների ֆինանսավորմամբ. պարզաբանվում է Նովոսիբիրսկի մարզի Անվտանգության դաշնային ծառայության հայտարարության մեջ։
Ձերբակալվել են ՌԴ ու այլ երկրների քաղաքացիներ։ Հետաքննության տվյալների համաձայն՝ նրանք պարբերաբար բանկային քարտերին գումարներ են փոխանցել, որոնք օգտագործվել են հանցագործների կարիքները հոգալու համար։ Հարուցվել է քրեական գործ։
«Կատիբա Տաուխիդ վալ-Ջիհադ»-ը Միջին Ասիայից զինյալների խմբավորում է։ Այս խմբավորումը խոշոր ահաբեկչություններ է կատարել Ռուսաստանում, Ղրղզստանում, Շվեդիայում ու այլ երկրներում։ Վերջին 10 տարվա ընթացքում Ռուսաստանում կանխվել է 160 ահաբեկչություն, 2020 թվականին կանխվել է 20-ից ավելի ահաբեկչություն։
Տաթև Ֆռանգյան
