03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Ինչ-որ պահից Սյունիքում ազատ ելումուտ կլինի. Գաբրիելյանն ԱԱԾ-ի՝ լրագրողներին վերաբերող արգելքի մասին. ՏԵՍԱՆՅՈՒԹ
Քաղաքականություն
12.02.2021 | 11:24
Կարծում եմ՝ ԱԱԾ-ն լրացուցիչ պարզաբանմամբ հանդես կգա: ԱԺ-ում լրագրողների հետ ճեպազրույցում այս մասին ասաց «Իմ քայլը» խմբակցության պատգամավոր Սիսակ Գաբրիելյանը՝ անդրադառնալով դիտարկմանը, որ Սյունիքի մարզի սահմանապահ բնակավայրերում, առանց Ազգային անվտանգության ծառայության գիտության, լրագրողներն այլևս չեն կարող տեսանկարահանում իրականացնել:
«Սյունիքում ռազմական դրության հետ կապված գործընթացներ են ընթանում, և պետք է շարժվենք չվնասելու տրամաբանությամբ: Ինչ-որ պահից սկսած՝ այնտեղ ազատ ելումուտ կլինի: Եթե մտահոգություն կա, որ ՍԱԾ-ն ինչ-որ բան է ուզում թաքցնել, ես փարատում եմ ձեր մտահոգությունը՝ նման բան չկա: Պարզապես պետք է տեղեկացնել ԱԱԾ-ին, հետո նոր նկարահանումներ իրականացնել սահմանային հատվածներում: Եթե որևէ լրատվամիջոցի կարգելվի նկարահանումներ իրականացնել, առաջիններից մեկը ես կլինեմ, որ կկանգնեմ լրագրողների կողքին: Պետք է հասկանանք, որ այն, ինչ-որ հրապարակվում է, ոչ միայն Հայաստանի լսարանի համար է հասանելի, այլ նաև մեր հարևան պետությունների, և գուցե այդ պատճառով այս ժամանակահատվածում որոշակի զգուշավորություն է պետք»,- նշեց Գաբրիելյանը:
Մանրամասները՝ տեսանյութում:
