01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Օլիմպիական խաղերի կազմկոմիտեի ղեկավարը կհեռանա իր պաշտոնից սեքսիստական հայտարարությունների պատճառով
Քաղաքականություն
11.02.2021 | 19:53
Տոկիոյում Օլիմպիական խաղերի կազմակերպչական կոմիտեի (կազմկոմիտե) ղեկավար Եսիրո Մորին կհեռանա իր պաշտոնից սեքսիստական հայտարարությունների պատճառով։ Այս մասին հայտնում է Reuters-ը՝ հղում կատարելով սեփական աղբյուրներին։
Միջադեպը, որի պատճառով 83-ամյա Մորին ստիպված կլինի լքել իր պաշտոնը, տեղի է ունեցել փետրվարի 3-ին կազմկոմիտեի նիստին։ Այդ կառույցում կանանց թվի ավելացման վերաբերյալ հարցի քննարկման ժամանակ Մորին հայտարարել է, որ կանանց մեծ թվի դեպքում խորհրդակցությունները կձգձգվեն։ Նա այդ ամենը բացատրել է նրանով, որ կանայք ավելի շատ են հակված մրցակցության, եթե որևէ կին ելույթ է ունենում, հայտարարել է Մորին, ապա մյուս բոլոր կանայք ևս անհրաժեշտ են համարում ինչ-որ բան ասել։
Հաջորդ օրը Մորին ներողություն է խնդրել իր խոսքերի համար, սակայն մինչ այդ արդեն մամուլում ու համացանցում լայնածավալ արշավ է սկսվել նրա դեմ՝ պահանջելով նրա հրաժարականը։
Տաթև Ֆռանգյան
