01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
2 միլիարդ դրամ կհատկացվի մանկապարտեզների վերանորոգմանը. փոխքաղաքապետ. ՏԵՍԱՆՅՈՒԹ
Տնտեսություն
09.02.2021 | 12:13
Երևանի ավագանու 6-րդ նստաշրջանի 1-ին նիստում հաստատվեց Երևանի քաղաքապետարանի և Եվրոպական ներդրումային բանկի միջև 2018 թվականի հունիսի 8-ին կնքված «Երևանի էներգաարդյունավետության» ծրագրի դրամաշնորհային համաձայնագիրը:
Նախագծում նշվում է, որ Երևանի քաղաքապետարանի և Եվրոպական ներդրումային բանկի միջև «Երևանի էներգաարդյունավետության» ծրագրի շրջանակում 2017թ. դեկտեմբերի 1-ին կնքվել է ֆինանսական պայմանագիր, որը հաստատվել է Երևան քաղաքի ավագանու կողմից 2017թ. դեկտեմբերի 26-ին: «Երևանի էներգաարդյունավետության» ծրագրի իրականացման անհրաժեշտությունից ելնելով՝ Երևանի քաղաքապետարանի և Եվրոպական ներդրումային բանկի միջև 2018 թվականի հունիսի 8-ին կնքվել է 5 մլն եվրո գումարի դրամաշնորհային համաձայնագիր: Ընդհանուր ծրագրի արժեքը կազմել է 15 միլիոն եվրո:
Քաղաքապետի տեղակալ Հրաչյա Սարգսյանը նշեց, որ ծրագրի շրջանակում նախատեսվում է մանկապարտեզների կապիտալ վերանորոգում և սեյսմիկ անվտանգության միջոցառումների իրականացում: Նրա խոսքով՝ դրամաշնորհ ստանալու համար անհրաժեշտ է Երևանի ավագանու հավանությունը:
«Այս ծրագրով նախատեսված է հիմնանորոգել 12 և կառուցել 3 նոր մանկապարտեզ: 2020-ին 11 մանկապարտեզի կապիտալ վերանորոգում ենք իրականացրել համայնքային միջոցների հաշվին: Դրանցից 9-ը շահագործման է հանձնված, մյուս երկուսը շահագործման կհանձնվեն մոտակա օրերին»,- նշեց Սարգսյանը:
Մանրամասները՝ տեսանյութում։
