21.05.2026 | 17:42
Անտեսեք․ Կիբեռոստիկանությունը զգուշացնում է ՆԳՆ-ի և պետական մարմինների անունից ուղարկվող կեղծ հաղորդագրությունների մասին
Իրանը թույլատրել է ռուսական «Արբանյակ V» պատվաստանյութի օգտագործումը
Քաղաքականություն
28.01.2021 | 18:49
Իրանի առողջապահության նախարարությանը կից գործող Դեղորայքների ու սննդամթերքի վերահսկման կազմակերպությունը թույլատրել է ռուսական «Արբանյակ V» պատվաստանյութի օգտագործումը։ Այս մասին հայտնել է կազմակերպության ներկայացուցիչ Կիանուշ Ջահանփուրը, փոխանցում է ՌԻԱ Նովոստին։
«Թույլատրվել է Գամալեայի անվան հետազոտական ինստիտուտի «Արբանյակ V» պատվաստանյութի անհապաղ օգտագործումը», – գրել է պաշտոնյան Twitter- ում ՝ հավելելով, որ դա տեղի է ունեցել կազմակերպության հանձնաժողովի նիստից հետո, որը որոշում է արտադրված և ներմուծվող դեղերի պիտանելիությունը:
Ներկայումս Իրանը շարունակում է ուսումնասիրել Հնդկաստանից, Չինաստանից և Ռուսաստանից ստացված այլ պատվաստանյութեր:
Ավելի վաղ Իրանի արտգործնախարար Մոհամմադ Ջավադ Զարիֆը Մոսկվա այցի ժամանակ հայտնել էր, որ ռուսական «Արբանյակ V» պատվաստանյութը բարեհաջող կերպով անցել է Իրանում գրանցումն ու Թեհրանը հույս է հայտնել մոտ ապագայում սկսել ՌԴ հետ դրա համատեղ արտադրությունը։
Տաթև Ֆռանգյան
