08.02.2026 | 19:26
Նոյեմբերյանում նոր դպրոց ենք կառուցում, առաջիկայում կմեկնարկենք նաև քոլեջի նոր շենքի կառուցումը. Ժաննա Անդրեասյան
ԱՄՆ-ը հպարտ է, որ միանում է կլիմայական փոփոխությունների դեմ պայքարին. Ջոն Քերի
Քաղաքականություն
25.01.2021 | 22:48
Միացյալ Նահահնգները հպարտ է երկրագնդի ջերմացման դեմ միջազգային պայքարին նորից միանալու համար: Այս մասին հայտարարել է կլիմայական հարցերով ԱՄՆ-ի նոր դեսպանորդ Ջոն Քերին. գրում է VOA-ն:
Նախագահ Ջո Բայդենի վարչակազմն այս շաբաթվա ընթացքում ներկայացնելու է կլիմայական փոփոխությունների դեմ նոր քաղաքականության մասին տեղեկություններ: Հիշեցնենք, որ Բայդենի նախորդի կողմից ԱՄՆ-ը դուրս էր բերվել Փարիզի 2015 թվականի կլիմայի հարցերով պայմանագրից: Դոնալդ Թրամփը, դա անելով, հայտարարել էր, որ այն շատ ծախսատար է իր երկրի տնտեսության համար:
«Ցավում ենք անցած չորս տարիներին այս գործընթացից դուրս մնալու կապակցությամբ, և հնարավոր ամեն ինչ անելու ենք բաց թողնվածը լրացնելու համար», հայտարարել է Քերին Կլիմայի ադապտացիայի հարցերով առցանց գագաթաժողովի ժամանակ:
