20.05.2026 | 12:30
Թրամփը հույս ունի «շատ արագ» ավարտել Իրանում հակամարտությունը
Հնդկաստանի ու Չինաստանի միջև բախումներ են գրանցվել․ երկու կողմից կան վիրավորներ․ Latestly
Քաղաքականություն
25.01.2021 | 11:15
Հնդկաստանի ու Չինաստանի սահմանապահ ուժերի միջև բախումներ են գրանցվել Հնդկաստանի հյուսիսային Սիկիմ շրջանի Նակու-Լա քաղաքում։ Այս մասին այսօր հայտնել է Latestly տեղեկատվական պորտալը՝ հղում կատարելով իր աղբյուրներին։
Ըստ այդ տվյալների՝ Չինաստանի Ազգային ազատագրական բանակի զինվորականները փորձ են արել ներխուժել Հնդկաստանի տարածք, հնդիկ զինվորականները նրանց կանգնեցրել են։ Բախումների արդյունքում վիրավորվել է 20 չինացի ու 4 հնդիկ զինվոր։
Լրատվականի տեղեկությունների համաձայն՝ իրավիճակն այդ շրջանում արդեն վերահսկողության տակ է։ Այլ մանրամասներ դեռևս չեն հաղորդվում։
Այս տեղկությունները հայտնվել են այն բանից հետո, ինչ Հնդկաստանի ու Չինաստանի ցամաքային զորքերի հրամանատարությունը բանակցություններ են վարել, որոնց ժամանակ քննարկել են սահմանապահ շրջաններում իրավիճակն ու զորքերի հետքաշման հարցը։ Հանդիպումը տևել է 15 ժամ։ Այն եղել է նմանատիպ 9-րդ հանդիպումը։
Նշվում է, որ իրավիճակը սրվել է այն բանից հետո, երբ անցած տարվա մայիսի սկզբին շուրջ 250 չինացի ու հնդիկ զինվորի միջև բախումներ են տեղի ունեցել, որի ժամանակ երկու կողմից ավելի քան 100 մարդ վիրավորվել էր։
Տաթև Ֆռանգյան
