08.11.2024 | 12:45
Գյումրին ստվերային էր կառավարվում. ՔՊ խմբակցության ղեկավար․ ՏԵՍԱՆՅՈՒԹ
Ռուսաստանի 93 քաղաքներում բողոքի ակցիաներ են ընթանում ի պաշտպանություն Նավալնիի. ակնկալվում են նաև համերաշխության ակցիաներ գրեթե 50 երկրներում
Քաղաքականություն
23.01.2021 | 15:58
Հունվարի 23-ին ռուս ընդդիմադիր քաղաքական գործիչ Ալեքսեյ Նավալնիի կողմնակիցները համառուսաստանյան ակցիա են իրականացնում ի պաշտպանություն քաղաքական գործչի. գրում է meduza.io-ն:
Հիշեցնենք, որ ռուս ընդդիմադիր քաղաքական գործիչ Ալեքսեյ Նավալնին, որը Գերմանիայում բուժում էր ստանում «Նովիչոկով» թունավորումից հետո, Ռուսաստան վերադառնալուց անմիջապես հետո ձերբակալվել էր։ Նավալնիին ձերբակալել էին, քանի որ 2020 թվականի դեկտեմբերի 29-ից նա գտնվում էր հետախուզման մեջ։ Պատիժների կատարման դաշնային ծառայությունից հայտարարել էին, որ «Իվ Ռոշե»-ի գործով պատիժը կրող Նավալնին գտնվել է հետախուզման մեջ ՝ «փորձաշրջանի բազմաթիվ խախտումների համար»։
Ընդդիմության առաջնորդի կալանավորվելուց հետո, Հակակոռուպցիոն հիմնադրամը հրապարակել էր Գելենջիկի մոտակայքում գտնվող «Պուտինի պալատի» վերաբերյալ հետաքննությունը: Այն երեք օրվա ընթացքում դիտվել էր ավելի քան 60 միլիոն անգամ:
Քաղաքական գործչի կողմնակիցները «Ազատություն Նավալնիին» կոչով համառուսաստանյան հանրահավաքներ են կազմակերպել Ռուսաստանի 93 քաղաքներում: Ակնկալվում են նաև համերաշխության ակցիաներ գրեթե 50 երկրներում, այդ թվում `Փարիզում, Բեռլինում, Հռոմում, Մադրիդում, Լիսաբոնում, Ամստերդամում, Հելսինկիում, Պրահայում, Վարշավայում, Թել Ավիվում, Վաշինգտոնում, Նյու Յորքում և Լոս Անջելեսում:
Ռուսաստանի իրավապահ մարմինները անօրինական են հայտարարել նախատեսվող բողոքի ցույցերը. Նրանց կազմակերպիչները նախապես բերման են ենթարկվում և դատապարտվում վարչական կալանքի:
