29.10.2026 | 16:03
ՌԴ-ն և Ուկրաինան ականազերծում են Օլեշկի տանող ճանապարհները և պատրաստվում մարդասիրական օգնության փոխանցմանը
Քոչարյանի և մյուսների գործով դատախազները վարույթից չեն հեռացվի. որոշումը հրապարակվեց. ՏԵՍԱՆՅՈՒԹ
Հասարակություն
22.01.2021 | 13:13
Երևանի ընդհանուր իրավասության դատարանը (Շենգավիթի նստավայր), դատավոր Աննա Դանիբեկյանի նախագահությամբ, մերժեց ՀՀ երկրորդ նախագահ Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի պաշտպանների՝ մեղադրող դատախազներին, այդ թվում՝ գլխավոր դատախազ Արթուր Դավթյանին, բացարկ հայտնելու միջնորդությունները։
Այսպիսով, դատախազներ Գևորգ Բաղդասարյանը, Պետրոս Պետրոսյանը և գլխավոր դատախազ Արթուր Դավթյանը չեն հեռացվի սահմանադրական կարգի ենթադրյալ տապալման գործով վարույթից և կշարունակեն պաշտպանել մեղադրանքը։
Հիշեցնենք, որ իրենց միջնորդություններում պաշտպանները նշել էին՝ գլխավոր դատախազի և մյուս դատախազների, իրենց գնահատմամբ, կողմնակալ լինելու հանգամանքը: Սույն գործով հերթական դատական նիստը նշանակված է փետրվարի 2-ին,՝ժամը 13։00-ին։
