17.12.2025 | 12:34
Թուրքիան որոշում է կայացրել արտաքսել ադրբեջանցի ընդդիմադիր գործչին. Բաքվում նրան սպառնում է ձերբակալություն
Պետությունն ամեն ինչ անում է, որ օր առաջ ռազմագերիների խնդիրը լուծվի. Պաշտպանության փոխնախարար. ՏԵՍԱՆՅՈՒԹ
Քաղաքականություն
15.01.2021 | 13:47
Արցախի ՊԲ կենտրոնական ուղղությամբ տեղակայված զորամասերից մեկի պահպանության տեղամասում, հակառակորդի կողմից հրադադարի պահպանման ռեժիմի կոպիտ խախտման հետևանքով, հրազենային վիրավորում ստացած զինծառայող Վարդան Կիրակոսյանի դեպքի առթիվ քննությունը շարունակվում է:
Այս մասին խորհրդարանում լրագրողների հետ զրույցում ասաց ՀՀ պաշտպանության նախարարի տեղակալ Արման Սարգսյանը:
«Այս պահին քննություն է իրականացվում: Ըստ նախնական տեղեկությունների` դեպքը հակառակորդի կողմից հրադադարի ռեժիմի խախտման պատճառով է տեղի ունեցել, ամբողջական տեղեկատվություն կտրամադրվի»,- ասաց Սարգսյանը:
Անդրադառնալով գերեվարված և անհետ կորած անձանց վերադարձի խնդրին՝ փոխնախարարն ընդգծեց, որ պետությունն ամեն ինչ անում է, որ օր առաջ ռազմագերիների խնդիրը լուծվի: «Որևէ մեկը չի զլանում այդ ուղղությամբ աշխատանքներ իրականացնել: Վստահեցնում եմ, որ երկրի ղեկավարության և այդ խնդրով զբաղվող կառույցների կողմից ամեն ինչ արվելու է, որպեսզի խնդիրը օր առաջ լուծվի»,- նշեց Սարգսյանը:
Մանրամասները՝ տեսանյութում:
