01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Վաշինգտոնում Կապիտոլիումի վրա հարձակումը՝ ներքին ահաբեկչություն․ հարուցվել է 25 քրեական գործ
Քաղաքականություն
11.01.2021 | 14:26
ԱՄՆ-ում, Կապիտոլիումի վրա հարձակումից հետո, նախագահական ընտրություններում պարտված Դոնալդ Թրամփի կողմնակիցների հանդեպ հարուցվել է առնվազն 25 քրեական գործ ներքին ահաբեկչություն հոդվածով: Այս մասին Twitter- ի իր էջում երկուշաբթի օրը հայտարարել է կոնգրեսական Ջեյսոն Քրոուն։ Վերջինս հեռախոսազրույց է ունեցել ԱՄՆ բանակի հարցերով նախարար Ռայան ՄաքՔարթիի հետ, գրում է DW-ի ռուսական ծառայությունը:
Քրոուն հայտնել է, որ ՄաքՔարթին հաստատել է, որ դեպքի վայրում հայտնաբերվել են հրազեն, մոլոտովյան կոկտեյլներ, ինքնաշեն պայթուցիկ սարքեր և ձեռնաշղթաներ:
«Սա վկայում է այն մասին, որ ավելի լուրջ աղետ է կանխվել», – ընդգծել է կոնգրեսականը:
Քրոուն նշել է, որ չափազանց անհանգստացած է այն տեղեկություններով, որ Կապիտոլիումի գրոհին մասնակցել են ԱՄՆ Զինված ուժերի պահեստային ու գործող զինվորականներ ու առաջարկել է մանրակրկտորեն հետաքննել այդ միջադեպն ու նրանց զինվորական դատարանի առաջ կանգնեցնել։
Հիշեցնենք՝ ընտրություններում պարտություն կրած ԱՄՆ նախագահ Դոնալդ Թրամփի կողմնակիցները Վաշինգտոնում հունվարի 6-ին տեղի ունեցած բողոքի ցույցից հետո հաջողվել է ներխուժել Կապիտոլիում, որտեղ ընթանում էր ընտրությունների արդյունքներով Սենատի ու Ներկայացուցիչների պալատի ներկայացուցիչների համատեղ նիստը։ Կոնգրեսում նիստը դադարեցվել է մի քանի ժամով, իսկ օրենսդիրները տարհանվել են։
Անկարգությունների մասնակիցների ու ոստիկանների միջև բախումներ են գրանցվել, իրավապահ մարմիններն արցունքաբեր գազ են կիրառել։ Վաշինգտոն էր ժամանել Ազգային գվարդիան։
Տաթև Ֆռանգյան
