18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ես կպարզաբանեմ, ու Դուք կփոշմանեք ձեր հարցի համար. Արմեն Խաչատրյանը՝ ԲՀԿ-ականին. ՏԵՍԱՆՅՈՒԹ
Քաղաքականություն
28.12.2020 | 13:11
«Անընդհատ խոսում են Սյունիքում տեղի ունեցած իրադարձություններից, բայց ուզում եմ իմանալ՝ դահլիճում գտնվողներից քանի՞ հոգի են գնացել Սյունիքի այդ տարածքները, տեսել, խոսել, հասկացել, և հանդիպել սահմանապահների հետ։ Եթե գնացել եք, շատ լավ է»,- ԱԺ արտահերթ նիստում ասաց «Իմ քայլը» խմբակցության պատգամավոր Արմեն Խաչատրյանը:
Նրան տեղից արձագանքեց ԲՀԿ-ական պատգամավորը՝ ասելով. «Գումար չենք ստացել ձեզ նման ԱԺ-ից»:
Ի պատասխան՝ Արմեն Խաչատրյանը նշեց, որ ինքը ԱԺ է դիմել միայն ամենագնաց մեքենա տրամադրելու համար. «Ավել պարզաբանումներ կտամ, խոստանում եմ, դահլիճից դուրս, և Դուք կփոշմանեք ձեր այդ հարցի համար»:
«Իմ քայլի» պատգամավորը ընդգծեց, որ ինքը հանդես է եկել առաջարկությամբ. «Փոխանակ նստենք, խոսենք, այստեղից եզրահանգումներ անենք, թե իբր Մեղրին են տալիս, Շուռնուխն են տալիս, եկեք դիտարկող աշխատանքային խումբ ստեղծենք դիտարկման համար: Ներկայացրեք բոլոր խմբակցություններից ձեր ներկայացուցիչներին, համապատասխան պետական օղակներից մարդիկ,. Գնանք Սյունիք, տեսնենք, թե ինչ են անում և ինչ են արել»:
Նա առաջարկեց ավտոմատով միասին գնալ սահմանը պահել. «Եկեք գնանք Սյունիք… 99 տոկոսը չգիտի` Շուռնուխը որտեղ է, ադրբեջանական պոստը որտեղ է դրված, ռուսները որտեղ են կանգնած: Տագնապ եք տարածել ազգաբնակչության մեջ, որ Հյուսիսային պողոտայի բնակիչը վախենում է երեկոյան դուրս գալ»:
Մանրամասները՝ տեսանյութում:
