21.12.2025 | 20:02
Հրազդանի հովտով դեպի հյուսիս-արևմուտք է տարածվում Արարատյան դաշտում առկա սառը օդի լճացման շերտը․ Սուրենյան
Ունենք րոպեներ առաջ ցուցարարներին ծեծող պատգամավոր․ Իվետա Տոնոյան. ՏԵՍԱՆՅՈՒԹ
Քաղաքականություն
28.12.2020 | 12:28
ԱԺ արտահերթ նիստում «Բարգավաճ Հայաստան» խմբակցության պատգամավոր Իվետա Տոնոյանը որոշակի թվային տվյալներ ներկայացրեց գործող իշխանության 2,5 տարվա գործողությունների արդյունքների վերաբերյալ։ Դիմելով «Իմ քայլի» պատգամավոր Հայկ Սարգսյանին՝ նա նկատեց. «Ձեր իշխանության 2,5 տարվա պաշտոնավարման արդյունքում ՀՀ տարածքը 42 հազար քառակուսի կիլոմետրից դարձավ 29 հազար, թշնամու հետ շփման գիծը երկարեց 500 կիլոմետրով, սանձազերծված պատերազմի արդյունքում ունեցանք մոտ 5 հազար զոհ, մոտ 10 հազար վիրավոր, ունեցանք մոտ 40 հազար անտուն մնացած հայրենակիցներ: Նրանց խնդիրները պետք է արագ լուծվեն, բայց իշխանությունը զբաղված է ամեն ինչով, բացի այդ օրակարգի կատարման։
Այսօր ականատես են լինում մեկը մյուսին հակասող, իրարամերժ հայտարարությունների՝ ՀՀ թիվ մեկ պաշտոնյայից, նոր փաթեթավորմամբ մատուցվող իբր թե ճշմարտությունների։
Մենք ունենք ջայլամի քաղաքականությամբ առաջանորդվող ղեկավար կազմ։ Ունենք ընդամենը րոպեներ առաջ ԱԺ մուտքի մոտ ցուցարարներին ծեծող պատգամավոր ունենք, և դուք դեռ խոսո՞ւմ եք ինչ-որ վատ ավանդույթներից»:
Մանրամասները՝ տեսանյութում:
