09.05.2025 | 01:38
Փաշինյանը ՌԴ-ում ոչ ֆորմալ շփումներ է ունեցել արտերկրի գործընկերների հետ
Վլադիմիր Պուտինը՝ ԼՂ հակամարտության և 7 շրջանները Ադրբեջանին հանձնելու մասին
Քաղաքականություն
17.12.2020 | 17:08
ՌԴ նախագահ Վլադիմիր Պուտինը կարծում է, որ իրավիճակը Լեռնային Ղարաբաղում դուրս էր եկել վերահսկողությունից, բայց արտաքին միջամտությունը, ըստ նրա, այստեղ կապ չունի։
«Այս լարվածությունը շարունակվել է երկար տարիներ։ Չեմ կարծում, որ դա տեղի է ունեցել արտաքինից ինչ-որ միջամտության արդյունքում։ Բազմիցս են գրանցվել բախումներ, փոխհրաձգություններ, փոքր բախումներ և, վերջին հաշվով, այս ամենը վերածվել է հակամարտության։ Ռուսաստանի դիրքորոշումը մշտապես կայացել է նրանում, որ մենք պետք է առանց որևէ արյունահեղության հասնենք պայմանավորվածությունների։ Այսպես է կառուցվել մեր դիրքորոշումը նաև ԵԱՀԿ Մինսկի խմբում, որտեղ համանախագահում են ՌԴ-ն, Ֆրանսիան ու ԱՄՆ»,- ասել է Պուտինը։
Նա նաև ձևակերպել է Լեռնային Ղարաբաղի հակամարտության վերաբերյալ Ռուսաստանի դիրքորոշումը։
«Ես կձևակերպեմ մեր դիրքորոշումը։ Մենք երկար տարիներ է՝ ելնում էինք այն դիրքորոշումից, որ Ադրբեջանին պետք է վերադարձվեն ԼՂ-ի հարակից 7 շրջանները։ Լեռնային Ղարաբաղի կարգավիճակը պետք է մնա անփոփոխ, այսինքն՝ պետք է փոխանցվի ապագային, պետք է ամրապնդվի սատուս-քվոն, սակայն պետք է պարտադիր լինի կապի հնարավորությունը Լեռնային Ղարաբաղի ու Հայաստանի միջև։ Հենց այս նպատակով էլ ենթադրվում էր Լաչինի միջանցքի կառուցումը»,- հայտարարել է Պուտինը։
