04.11.2026 | 21:16
ԿԲ-ն բացահայտել է ֆինանսական խարդախության նոր սխեմա․ քաղաքացիների անուններով վարկեր են ձևակերպում
Եթե Փաշինյանը չհեռանա՝ կստիպենք, հետո իրավական գործընթաց պիտի սկսվի. Շարմազանով. ՏԵՍԱՆՅՈՒԹ
Քաղաքականություն
16.12.2020 | 18:05
Նիկոլ Փաշինյանի քաղաքական պատասխանատվության ձևը օր առաջ հրաժարական տալն է. հրաժարական չի տա, մենք կպարտադրենք Այս մասին Նիկոլ Փաշինյանի հրաժարականի պահանջով երթի ընթացքում լրագրողների հետ զրույցում ասաց ՀՀԿ խոսնակ Էդուարդ Շարմազանովը՝ հավելելով, որ Նիկոլ Փաշինյանի հեռացումից հետո վարչապետը չպետք է նրա թիմից լինի:
«Բոլորը, ովքեր պաշտպանում են Նիկոլ Փաշինյանին, դավաճանական գործողության, հողատվության մաս են կազմում: «Իմ քայլը»-ից որևէ մեկը չպետք է դառնա վարչապետ»,- նշեց Շարմազանովը:
Անդրադառնալով ԱՀ նախագահ Արայիկ Հարությունյանի հայտարարությանը, թե պատրաստ է աջակցել՝ պարզելու պատերազմի ընթացքում եղած հնարավոր դավաճանական գործողությունները, Շարմազանովն ասաց. «Իշխանափոխությունից հետո կլինի նաև իրավական գործընթաց, ես համոզված եմ, որ ոչ միայն նա, այլև Հայաստանի ու Արցախի իշխանության բազմաթիվ ներկայացուցիչներ պետք է ասեն այն, ինչ եղել է: Հայ ժողովրդի նկատմամբ եղել է դավադրություն ու դավաճանություն»:
Մանրամասները՝ տեսանյութում:
