09.02.2026 | 18:20
ԱՄՆ փոխնախագահի դիմավորման պաշտոնական արարողությունը․ ՏԵՍԱՆՅՈՒԹ
Քննարկվելու է ԱՊՀ երկրների ղեկավարների խորհրդի կայանալիք նիստին ստորագրվող փաստաթղթերի նախագիծը․ ՏԱՍՍ
Քաղաքականություն
09.12.2020 | 15:00
ԱՊՀ երկրների ԱԳ նախարարների խորհուրդը դեկտեմբերի 10-ին կքննարկի փոխգործակցության առաջնայնությունները, ինչպես նաև փաստաթղթեր, որոնք ծրագրվում է հաստատել Համագործակցության անդամ երկրների ղեկավարների խորհրդի հերթական նիստին։ Ուզբեկստանի նախագահությամբ նիստը կկայանա առցանց ձևաչափով, հայտնել են երկրի ԱԳՆ մամուլի ծառայությունից, գրում է ՏԱՍՍ-ը։
«Միջոցառման ընթացքում տեղի կունենա կարծիքների փոխանակում Համագործակցության շրջանակում ձեռք բերված արդյունքների ու փոխգործակցության նոր առաջնահերթությունների, միջազգային ու տարածաշրջանային խնդիրների վերաբերյալ, ինչպես նաև կքննարկվի փաստաթղթի նախագիծը, որը ծրագրվում է ստորագրել ԱՊՀ երկրների ղեկավարների խորհրդի կայանալիք նիստին»,- ասվում է հաղորդագրությունում։
Ուզբեկստանի ԱԳՆ փոխանցմամբ՝ միջոցառմանը մասնակցելու են Ադրբեջանի, Հայաստանի, Բելառուսի, Ղազախստանի,Ղրղզստանի, Մոլդովայի, Ռուսաստանի, Տաջիկստանի և Թուրքմենստանի ԱԳՆ ղեկավարները, ինչպես նաև Գործադիր կոմիտեի նախագահ, ԱՊՀ գործադիր քարտուղար Սերգեյ Լեբեդևը:
Տաթև Ֆռանգյան
