05.11.2026 | 18:16
Հայաստան-սփյուռք հարաբերությունների վերջնանպատակը հայրենադարձությունն է․ Փաշինյանը՝ նոր Սահմանադրության նախագծի մասին
45 տոննա շինանյութով բեռնված ՌԴ ԱԻՆ շարասյունը շարժվել է դեպի Ստեփանակերտ․ ՏԱՍՍ
Քաղաքականություն
20.11.2020 | 16:50
Շինանյութով բեռնված ՌԴ ԱԻՆ շարասյունը Երևանից շարժվել է դեպի Ստեփանակերտ։ Այս մասին ՏԱՍՍ-ին հայտնել է տարածաշրջանում ՌԴ ՊՆ օպերատիվ խմբերի ղեկավար Իգոր Կուտրովսկին։
«Այսօր Երևանից Ստեփանակերտ է շարժվել ՌԴ ԱԻՆ շարասյունը, որը 45 տոննա շինանյութ է տեղափոխում, ինչը թույլ կտա օպերատիվ կերպով անցնել վերականգնողական աշխատանքներին»,- ասել է նա։
Տեղեկացվում է, որ շարասյունը Ստեփանակերտում կլինի շաբաթ օրը։
Կուտրովսկիի խոսքով՝ ՌԴ ԱԻՆ մասնագետները Լեռնային Ղարաբաղի տարածքում հայտնաբերել են հակամարտության արդյունքում ավելի քան 280 ոչնչացված ու 2500 վնասված շենքեր։
«Նոյեմբերի 20-ի դրությամբ ուսումնասիրվել է 43 բնակավայր, որոնցում 2500 օբյեկտներ տարբեր աստիճանի վնասված են, դրանցից 280-ն ամբողջությամբ ոչնչացված է»,- ասել է նա։
Տաթև Ֆռանգյան
