19.12.2025 | 18:15
Սարմեն Բաղդասարյանը նշանակվել է Լիբանանում ՀՀ դեսպան
Դուք զբաղվում եք ցավի կապիտալիզացիայով․ Ռուբինյանի հերքումները ԱԺ-ում աղմուկ բարձրացրեց. ՏԵՍԱՆՅՈՒԹ
Քաղաքականություն
17.11.2020 | 11:17
Հնչած երկու միտք պետք է հերքեմ, որովհետև դրանք ապատեղեկատվություն են: Ազգային ժողովի այսօրվա նիստում իր ելույթն այսպես սկսեց «Իմ քայլը» խմբակցության պատգամավոր Ռուբեն Ռուբինյանը:
«Առաջին՝ ստորագրված հայտնի հայտարարության մեջ խոսք չկա Մեղրիի, Սյունիքի մասին և ոչ էլ էստակադայի մասին՝ առավել ևս թուրքական կամ ադրբեջանական դրոշներով:
Երկրորդ՝ պատերազմի ժամանակ չի եղել պահ, որ հնարավոր է եղել պատերազմը կանգնեցնել ավելի լավ պայմաններով և չի արվել»,- ասաց Ռուբինյանը: Նրա հերքումները ԱԺ-ում աղմուկ բարձրացրեցին:
«ՀՀ քաղաքացիներից շատերը ապագա չեն տեսնում. Նրանք ցավ ունեն և նրանք այժմ տեսնում են 0 խոսակցություն ապագայի մասին և տեսնում են ցավի կապիտալիզացիա: Ընդդիմադի՛ր գործիչներ, դուք զբաղված եք ցավի կապիտալիզացիայով: Անդադար աղ եք լցնում Շուշիի կորստի մեր վերքի վրա: Դուք ձեզ հարց չե՞ք տվել, թե ինչու ՀՀ քաղաքացիները չեն գալիս ձեր հանրահավաքներին»,- նշեց պատգամավորը:
Մանրամասները՝ տեսանյութում:
