13.10.2026 | 11:55
NYMEX․ Ոսկու գինը նվազել է
19 միլիոն դրամանոց «զուգարան»` Երևանի կենտրոնում
Հասարակություն
21.04.2017 | 11:00
2013 թվականին Երևանի քաղաքապետարանի շինբարեկարգման ծրագրով նորոգվել է Լուսավորիչ-Մաշտոց ստորգետնյա հետիոտնային անցումը։ Այս նպատակով համայնքային բյուջեից 19 միլիոն դրամ էր հատկացվել և Երևանի քաղաքապետարանից տեղեկացրել էին, որ համալիր բարեկարգման ծրագրի շրջանակում ամբողջությամբ փոխվում են հատակի բետոնե և բազալտե սալիկները, բարեկարգվում է առաստաղը, անցումի ջրամեկուսացման խնդիրը լուծելու նպատակով, տեղադրվելու են անձրևորսիչ նոր ցանցեր, իրականացվելու են ջրընդունիչ հորերի մաքրման աշխատանքներ:
Ըստ քաղաքապետարանի՝ բարեկարգման աշխատանքների ավարտից հետո ստորգետնյա անցումով բնակիչների անցուդարձը հարմարավետ ու անվտանգ էր լինելու նաև գիշերային ժամերին: Այսօր, սակայն, շատերը խուսափում են օգտվել գետնանցումից՝ տարածքը պատված է աղբով և գարշահոտությամբ, իսկ երեկոյան ժամերին այնտեղով անցնելն անվտանգ չէ։
