08.11.2024 | 18:38
Իսրայելը որոշել է զինվորական առաքելություն չուղարկել Ամստերդամ՝ իսրայելցի ֆուտբոլասերների վրա հարձակումից հետո
Սիմֆերոպոլի օդանավակայանում տեղադրվել է Հովհաննես Այվազովսկու կիսանդրին
Քաղաքականություն
09.11.2020 | 18:28
Աշխարհահռչակ ծովանկարիչ Հովհաննես Այվազովսկու կիսանդրին է տեղադրվել նրա անունը կրող «Սիմֆերոպոլ» օդանավակայանի ուղևորային տերմինալի մերձակա հրապարակում, փոխանցում է ՌԻԱ Նովոստին:
«Այսօր մենք կբացենք մեծ մարդու՝ Իվան Կոնստանտինովիչին նվիրված հուշարձան… Գիտեք, որ օդանավակայանի տերմինալը կառուցված է ծովի ալիքի գաղափարով: Սա մեզ համար մեծ պատասխանատվություն է: Այսօր, կարծում եմ, մեզ համար շատ նշանակալի օր է՝ այս հայեցակարգի զարգացման շարունակության համար»,- բացման արարողության ժամանակ ասել է օդանավակայանի գլխավոր տնօրեն Եվգենի Պլակսինը:
Ավելի քան 4 տոննա կշռող պատվանդանի և հիմքի հետ միասին 3․5 մետր բարձրությամբ կիսանդրու հեղինակը Ռուսաստանի ժողովրդական նկարիչ, ակադեմիկոս, պրոֆեսոր Սալավատ Շչերբակովն է:
Տաթև Ֆռանգյան
