25.02.2026 | 11:44
«Վեոլիա Ջուր»-ը՝ գիշերները ջրամատակարարումը դադարեցնելու մասին
Սլավոնական համալսարանի դասախոսն ազատման դիմում է գրել՝ ամսական 9482 դրամ կազմող աշխատավարձի պատճառով
Հասարակություն
05.11.2020 | 16:37
Հայ-ռուսական (Սլավոնական) համալսարանի Մեդիայի, գովազդի և կինոյի ինստիտուտի դասախոս Էդուարդ Համբարձումյանն այսօր ֆեյսբուքյան էջում գրառում է արել՝ հայտնելով, որ աշխատանքից ազատման դիմում է ներկայացրել։
Դասախոսը նշել է, թե ինչն է իր որոշման համար հիմք հանդիսացել. «Վիրավորական ցածր աշխատավարձի պատճառով»։
Համբարձումյանը շեշտել է, որ համալսարանի ղեկավարությունն ու աշխատակազմը պետք է գիտակցեն, որ ուսանողներին ի սրտե նվիրված դասախոսի մատուցած գիտելիքները և ծախսած ժամանակը չի կարելի գնահատել ամսական 9482 դրամ։
Պարզաբանման համար դիմեցինք համալսարանի մամուլի խոսնակ Հենրիխ Մարգարյանին, որը նշեց, որ ավելի ուշ հարցի առնչությամբ պարզաբանումը կուղարկեն ԶԼՄ-ներին։
Մերի Մարտիրոսյան
