19.02.2026 | 17:11
Վրաստանում օտարերկրացիներ են ձերբակալվել 3 միլիոն դոլարի ուրան և ռադիոակտիվ նյութեր գնելու փորձի ժամանակ
Վստահաբար չենք կարող ասել՝ երբ կունենանք ամբողջ ՀՀ-ի համար 24-ժամյա ջրամատակարարում. փոխնախարար. ՏԵՍԱՆՅՈՒԹ
Տնտեսություն
03.11.2020 | 17:02
Վստահաբար չենք կարող ասել, թե երբ կունենանք ամբողջ ՀՀ-ի համար 24-ժամյա ջրամատակարարում: Այս մասին ԱԺ տնտեսական հարցերի ու ֆինանսավարկային և բյուջետային հարցերի մշտական հանձնաժողովների hամատեղ նիստում «Հայաստանի Հանրապետության 2021 թվականի պետական բյուջեի մասին» ՀՀ օրենքի նախագծի քննարկման ժամանակ ասաց Տարածքային կառավարման և ենթակառուցվածքների փոխնախարար Վաչե Տերտերյանը:
«Մենք խմելու ջրի մատակարարման որոշակի ծրագիր ունենք, որն ամրագրված է մասնավոր օպերատորի հետ հարաբերությունները կարգավորող փաստաթղթում, մենք առաջնորդվում ենք այդ ծրագրով, դրա մեջ ենթադրվում էր ջրի սակագնի որոշակի դինամիկա, այդ թվում ոչ միայն դեպի վերև, այլ նաև դեպի ներքև, ներդրումների հետ կապված սցենար էր ներդված, այդ սցենարից հիմա մի փոքր կարծես թե շեղվել ենք այն իմաստով, որ վերջին տարիներին սակագնի փոփոխություններ չենք արել՝ փոխհատուցելով սակագնի փոփոխություն չանելու պարագայում առաջացած ֆինանսական հոսքերը: Որակյալ և 24-ժամյա ջրամատակարարում ապահովելու նպատակներ են ֆիքսված եղել, այդ ծրագրին հետևում ենք, բայց վստահաբար չենք կարող ասել, թե երբ կունենանք ամբողջ ՀՀ-ի համար 24-ժամյա և որակյալ ջրամատակարարում»,- նշեց փոխնախարարը:
