08.11.2024 | 18:38
Իսրայելը որոշել է զինվորական առաքելություն չուղարկել Ամստերդամ՝ իսրայելցի ֆուտբոլասերների վրա հարձակումից հետո
Պարզվել է Վիեննայում սպանված ահաբեկչի ինքնությունը․ վիրավորների մի մասի վիճակը ծայրահեղ ծանր է
Քաղաքականություն
03.11.2020 | 14:24
Վիեննայում ահաբեկչության հետևանքով վիրավորվածներից 7-ի վիճակը ծայրահեղ ծանր է, բժիշկները պայքարում են նրանց կյանքի համար։ Այս մասին հայտնում է Kurier-ը՝ վկայակոչելով երկրի Առողջապահության նախարարությանը։
Ընդհանուր առմամբ, հարձակման հետևանքով վիրավորված 17 քաղաքացիները գտնվում են մի քանի հիվանդանոցներում։ Նրանցից մեծ մասը հրազենային վիրավորում է ստացել։ 10-ի վիճակը գնահատվում է միջին ծանրության և ծանր։
Ավստրիայի կառավարությունը որոշում է կայացրել եռօրյա սուգ հայտարարելու մասին։
Իր հերթին, Falter շաբաթաթերթի գլխավոր խմբագիր Ֆլորիան Քլենքը հայտնել է, որ Վիեննայում հարձակում իրականացրած ու սպանված ահաբեկիչն ալբանական արմատներ ունի, նա ավելի վաղ արդեն հայտնվել էր իրավապահ մարմինների տեսադաշտում։
«Նրա անունը Կուրտին Ս․ է, 2000 թվականին ծնված։ Ծնվել ու մեծացել է Վիեննայում, ունի ալբանական արմատներ»,- Twitter-ում գրել է Ֆլորիան Քլենքը՝ նշելով, որ նա ներառված է 90 իսլամիստների ցանկում, ովքեր ցանկանում էին մեկնել Սիրիա, սակայն չեն կարողացել։
Թերթի գլխավոր խմբագիրը հավելել է, որ հարձակվողի ծնողները Հյուսիսային Մակեդոնիայից են, նրանք երբևէ կապ չեն ունեցել իսլամիստների հետ:
Տաթև Ֆռանգյան
