08.11.2024 | 19:45
5 անշարժ գույք, 4 մեքենա, 62.8 մլն դրամ. առաջին դատավորը, որն անցնում է ապօրինի ծագմամբ գույքի գործով․ ՏԵՍԱՆՅՈՒԹ
Սա ողբերգություն է. Հռոմի պապը Լեռնային Ղարաբաղի պատերազմի մասին
Քաղաքականություն
01.11.2020 | 17:17
Հռոմի պապ Ֆրանցիսկոսը ողբերգություն է որակել Լեռնային Ղարաբաղի իրադարձությունները: Այս մասին Կաթոլիկ եկեղեցու ղեկավարը հայտարարել է Սուրբ Պետրոսի հրապարակում՝ կիրակնօրյա իր քարոզի ընթացքում. գրում է ՏԱՍՍ-ը:
«Բոլոր սրբերի տոնի այս օրը (կաթոլիկների կողմից նշվում է նոյեմբերի 1-ին – խմբ.), եկեք չմոռանանք, թե ինչ է կատարվում Լեռնային Ղարաբաղում, որտեղ կա զինված բախում: Տները, ենթակառուցվածքները և երկրպագության վայրերը գնալով ավերվում են: Ռազմական գործողություններ են ծավալվում խաղաղ բնակչության նկատմամբ, սա ողբերգություն է », – ասել Պապը:
«Ես ուզում եմ կրկին կոչով դիմել պատասխանատու կողմերին ՝ հորոդորելով ամեն ինչ անել, որպեսզի անհապաղ դադարեցվի անմեղների արյուն թափվելը: Չպետք է կարծել, որ հնարավոր է վեճը լուծել բռնության մեթոդների կիրառմամբ, այլ միայն միջազգային հանրության օժանդակությամբ՝ բանակցությունների միջոցով: Ես համերաշխություն եմ հայտնում բոլոր կարիքավորներին և դիմում բոլոր սրբերին. վերադարձեք խաղաղությունը տարածաշրջանին», – եզրափակել է հովվապետը:
