19.09.2026 | 18:46
Ռուսաստանը փորձում է միջամտել ԱՄՆ-ի միջանկյալ ընտրություններին․ NYT
Դմիտրի Պեսկովը՝ Վաշինգտոնում ԼՂ-ում հրադադարի շուրջ ձեռք բերված պայմանավորվածության մասին
Քաղաքականություն
26.10.2020 | 15:19
ՌԴ նախագահի մամուլի խոսնակ Դմիտրի Պեսկովը մեկնաբանել է Ղարաբաղում նոր հրադադարի հարցով Վաշինգտոնում ձեռք բերված պայմանավորվածությունը, գրում է Radio Sputnik-ը։
Ավելի վաղ ԱՄՆ-ը, Հայաստանն ու Ադրբեջանը համատեղ հայտարարություն էին տարածել, համաձայն որի՝ ԼՂ հակամարտության գոտում հոկտեմբերի 26-ին՝ տեղական ժամանակով ժամը 08։00-ից կգործի հրադադարի ռեժիմը։
Պեսկովի խոսքով՝ Ռուսաստանը՝ որպես ԵԱՀԿ Մինսկի խմբի համանախագահ, պատրաստ է ողջունել ցանկացած քայլ, որը կօգնի դադարեցնել պատերազմը։
«Ղարաբաղյան հակամարտության կարգավորման գործընթացը, որը գտնվում է սրման փուլում, չպետք է ու չի կարող լինել ինչ-որ մրցակցության տեղ»,- հայտարարել է Պեսկովը՝ պատասխանելով այն հարցին, թե ինչպես են Կրեմլում վերաբերվում Ղարաբաղում հակամարտության վերաբերյալ ձեռք բերված նոր պայմանագրին։
Պեսկովը նաև հայտարարել է, որ Կրեմլում ուշի-ուշով հետևում են Ղարաբաղում իրավիճակին ու կարծում են, որ այս հակամարտությունը բացի խաղաղ կարգավորումից այլ լուծում չունի։
«Այժմ մենք շարունակում ենք ուշադրությամբ հետևել հակամարտող կողմերի միջև շփման գծում իրավիճակին։ Նախկինի նման կարծում ենք, որ ոչ մի կարգավորում, բացի խաղաղ կարգավորումից, այս խնդիրը չի կարող ունենալ»,- ասել է Պեսկովը։
Տաթև Ֆռանգյան
