ՄԱԿ-ի ԱԽ-ում Զոհրաբ Մնացականյանը ներկայացրել է Ադրբեջանի կողմից իրականացված լայնածավալ ռազմական ագրեսիան

Քաղաքականություն

26.05.2017 | 18:10

Լուրեր

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

14.12.2025 | 12:28

«ՀԷՑ»-ը տեղեկացնում է. ուժեղ քամիները հոսանքազրկումների պատճառ են դարձել

14.12.2025 | 11:41

Ապարանի համայնքապետարանը՝ քամու պատճառած վնասների մասին

14.12.2025 | 11:36

18:00-ից հետո քամու արագությունը զգալիորեն կնվազի և չի խանգարի տոնածառի լույսերի վառման արարողությանը․ Լևոն Ազիզյան

14.12.2025 | 11:32

ՃՏՊ Սիսիան-Երևան ավտոճանապարհի․ կա տուժած

Բոլորը

Մայիսի 25-ին ՄԱԿ-ի Անվտանգության խորհրդում տեղի է ունեցել քննարկում՝ «Զինված հակամարտություններում քաղաքացիական անձանց և առողջապահության պաշտպանությունը» խորագրով, որին ելույթով հանդես է եկել ՄԱԿ-ում ՀՀ մշտական ներկայացուցիչ Զոհրաբ Մնացականյանը: Այս մասին տեղեկացնում է ՀՀ արտաքին գործերի նախարարության լրատվական ծառայությունը։

Անվտանգության խորհրդի բաց քննարկումը նախագահել է Ուրուգվայի արտաքին գործերի նախարար Ռոդոլֆո Նին Նովոան, ելույթ են ունեցել մոտ յոթանասուն անդամ երկրների ներկայացուցիչներ:

Հանդիպման սկզբում ելույթով հանդես է եկել ՄԱԿ-ի Գլխավոր քարտուղար Անտոնիո Գուտերեշը, ով շեշտել է մարդու իրավունքների և միջազգային հումանիտար իրավունքի նկատմամբ հարգանքի ամրապնդման, ինչպես նաև մարդասիրական և բժշկական անձնակազմի պաշտպանության կարևորությունը:
Դեսպան Մնացականյանն իր ելույթում կարևորել է քաղաքացիական անձանց, ներառյալ հումանիտար և բուժաշխատողների պաշտպանության գործում միջազգային հումանիտար իրավունքի, հատկապես Ժնևյան կոնվենցիաների և դրանց լրացուցիչ արձանագրությունների անխտիր իրականացումը:

Շեշտելով հակամարտությունների և ճգնաժամային իրավիճակների կանխարգելման կարևորությունը, Զոհրաբ Մնացականյանը նշել է, որ «ճգնաժամերը, ոճրագործությունները և ցեղասպանությունները հանկարծակի տեղի չեն ունենում, դրանք տեսանելի և կանխատեսելի են լինում»։ Դեսպանը հիշատակել է, որ Հայաստանը միացել է «Ապահով դպրոցների հռչակագրին», որի նպատակն է պաշտպանել կրթական հաստատությունները ռազմական հարձակումներից և կիրառումից։

Անդրադառնալով 2016թ. ապրիլին Լեռնային Ղարաբաղի դեմ Ադրբեջանի կողմից իրականացված լայնածավալ ռազմական ագրեսիային՝ դեսպան Մնացականյանը հիշատակել է քաղաքացիական բնակչության, ներառյալ ծերերի և երեխաների նկատմամբ կիրառված բռնությունները։ ՀՀ կողմից կրկին կոչ է արվել իրականացնել 2016թ. մայիսին և հունիսին Վիեննայում և Սանկտ Պետերբուրգում կայացած գագաթաժողովների պայմանավորվածությունները՝ բանակցային գործընթացն առաջ մղելու համար անհրաժեշտ պայմաններ ապահովելու նպատակով։

Ելույթի ավարտին դեսպան Մնացականյանը կրկին Հայաստանի երախտագիտությունն է հայտնել Միավորված ազգերի կազմակերպությանը, Անվտանգության խորհրդին և Գլխավոր քարտուղարին՝ Լեռնային Ղարաբաղի հակամարտության կարգավորման գործում ԵԱՀԿ Մինսկի խմբի համանախագահների՝ որպես խնդրի կարգավորման նպատակով գործող միջազգայնորեն համաձայնեցված միակ ձևաչափի ջանքերին անվերապահ աջակցության համար։