09.10.2026 | 11:32
Փաշինյանը հայտարարել է, որ Հայաստանի և Ադրբեջանի միջև խաղաղությունը կայացած փաստ է
Առաջնագծում գտնվող հայրը դստեր ծննդյան լուրը լսելուց հետո առաջին անգամ արտասվել է․ «Շենգավիթ» ԲԿ-ում արցախցի ևս մեկ փոքրիկ է ծնվել
Հասարակություն
06.10.2020 | 16:08
«Շենգավիթ» բժշկական կենտրոնում այսօր ևս մեկ արցախցի փոքրիկ է ծնվել, այս անգամ՝ աղջիկ։ Փոքրիկին Լեա են կոչել։
Factor.am-ի հետ զրույցում մայրը՝ 41-ամյա Արևիկ Բաղդասարյանը նշեց, որ ամուսինն այս պահին առաջնագծում է։
«Երեխայի ծննդյան լուրը լսելուց հետո կյանքում առաջին անգամ արտասվել է, չնայած ևս երկու չափահաս աղջիկ ունենք»,- պատմեց Արևիկ Բաղդասարյանը։
Փոքրիկն առողջ է, ծնվել է 3․700 գրամ քաշով, 51 սմ հասակով։ Երեխայի և մայրիկի վիճակը բավարար է։
«Սպասում ենք հայրիկից հաղթանակի լուրը լսելուն»,- ասում է մայրը։
Հավելենք, որ «Շենգավիթ» ԲԿ-ում այսօր արցախցի ևս 2 փոքրիկի լույս աշխարհ գալուն են սպասում։
