28.11.2024 | 11:51
Գրասենյակից հափշտակել էր 24 մլն դրամ և 12 մլն դրամ արժողությամբ ոսկյա զարդեր․ 41-ամյա տղամարդը կալանավորվել է
Մոսկվայում կորոնավիրուսային իրավիճակն իրապես բարդացել է․ նոր հակառեկորդ ու խստացումներ Ռուսաստանում
Քաղաքականություն
25.09.2020 | 14:59
Ռուսաստանը կորոնավիրուսի տարածման ցուցանիշի աճի հետ մեկտեղ՝ նոր խստացումներ է սահմանում։ Սեպտեմբերի 28-ից 65 տարեկանից բարձր տարիք ունեցող մոսկվացիներն ու քրոնիկական հիվանդություններ ունեցողներին խորհուրդ է տրվում, առանց խիստ անհրաժեշտության, տանից դուրս չգալ։ Նման հայտարարություն է հայտնվել Մոսկվայի քաղաքապետարանի պաշտոնական կայքէջում, գրում է DW-ի ռուսական ծառայությունը։
ՌԴ-ում տարեցներին խնդրում են չայցելել մարդաշատ վայրեր, ինչպես նաև ժամանակավորապես հրաժարվել առանձին բնակվող հարազատների ու ընկերների հետ շփումներից։ Իսկ աշխատող թոշակառուներին խորհուրդ է տրվում սկսել հեռավար աշխատել կամ արձակուրդ վերցնել։ Գործատուներին էլ կոչ է արվոում աշխատանքները կազմակերպել հեռավար։
Մոսկվայի քաղաքապետ Սերգեյ Սոբյանինն ասել է, որ Ռուսաստանի մայրաքաղաքում կորոնավիրուսի տարածման հետ կապված իրավիճակն «իրապես բարդացել է»։
«Բացի նոր դեպքերի ի հայտ գալուց՝ լրջորեն ավելացել է նաև հոսպիտալացվածների թիվը»,- ընդգծել է Սոբյանինը։
Հավելենք, որ Ռուսաստանի 84 մարզերում մեկ օրվա ընթացքում հայտնաբերվել է կորոնավիրուսի 7․212 նոր դեպք, որը վերջին 3 ամսվա ընթացքում գրանցված նոր հակառեկորդ է։
