19.09.2026 | 16:03
Երթ դեպի Եռաբլուր. հարգանքի տուրք է մատուցվել սեպտեմբերի 19-ի զոհերի հիշատակին
ԱՄՆ-ում առաջարկում են պատժամիջոցներ կիրառել ՌԴ-ի նկատմամբ
Քաղաքականություն
25.09.2020 | 13:07
ԱՄՆ երկու կուսակցություններից սենատորները Ռուսաստանի դեմ պատժամիջոցներ կիրառելու վերաբերյալ առաջարկությամբ են հանդես եկել, գրում է DW-ի ռուսական ծառայությունը։
Նման առաջարկի համար հիմք է հանդիսացել «Կոռուպցիայի դեմ պայքարի հիմնադրամի» հիմնադիր Ալեքսեյ Նավալնիի թունավորումը, որը բուժում էր ստանում Բեռլինի «Շարիտե» կլինիկայում։ Օրերս, հիշեցնենք, նա դուրս է գրվել հիվանդանոցից։
Համաձայն օրինագծի՝ ԱՄՆ նախագահի աշխատակազմը պետք է որոշի՝ արդյո՞ք Մոսկվան խախտել է քիմիական ու կենսաբանական զենքի կիրառման մասին օրենքը։ Ստուգման արդյունքներից ելնելով՝ ԱՄՆ նախագահը պետք է Կոնգրեսին զեկույց ներկայացնի ՌԴ ներկա ու նախկին պաշտոնյաների վերաբերյալ, որոնք ինչ-որ կերպ կապված են եղել ընդդիմադիր քաղաքական գործչի թունավորման հետ։
Բացի այդ, ըստ օրինագծի՝ պետք է կազմվի ՌԴ նախագահ Վլադիմիր Պուտինի ու իր մերձավորների՝ կոռուպցիոն ճանապարհով ձեռք բերված անձնական բարեկեցության վերաբերյալ զեկույց, ասվում է սենատորների հայտարարության մեջ։
