08.11.2024 | 16:12
Նախագահ Վահագն Խաչատուրյանը շնորհավորել է ԱՄՆ ընտրված նախագահ Դոնալդ Թրամփին
Մինսկում ակցիայի ավելի քան 190 մասնակից է ձերբակալվել
Քաղաքականություն
07.09.2020 | 12:28
Իրավապահները Մինսկում կիրակի անցկացված ակցիայի 194 մասնակցի են ձերբակալել։ Այս մասին տեղեկանում ենք բելառուսական «Գարուն» իրավապաշտպան կազմակերպության կայքից, որտեղ ներկայացված են նաև ձերբակալվածների անունները։
Իրավապաշտպանների տվյալներով՝ ձերբակալվածների թվում են նաև Ընդդիմության համակարգող խորհրդի անդամ Անդրեյ Եգորովը և «Էկոդոմ» բնապահպանական միավորման ղեկավար Իրինա Սուխին։
Միաժամանակ, «Գարուն»-ի տվյալներով, ավելի քան 30 մարդ է ձերբակալվել Բրեստում, ձերբակալվածներ կան նաև Գրոդնոյում, Մոգիլյովում, Վիտեբսկում։
Բելառուսի ՆԳՆ մամուլի քարտուղար Օլգա Չեմոդանովան իր հերթին հաղորդել է 633 ձերբակալվածի մասին՝ զանգվածային միջոցառումների մասին օրենսդրությունը խախտելու համար։
Սեպտեմբերի 6-ին Բելառուսի բազմաթիվ քաղաքներում «Միասնության երթ» խորագրով բողոքի ակցիաներ են անցկացվել։ Մինսկում մի քանի տասնյակի հասնող ցուցարարները երթով շարժվել են դեպի նախագահական նստավայր։
