21.05.2026 | 14:46
Հանդիպել ենք Դոնբասի և Լուգանսկի ղեկավարների հետ․ այցը եղել է հրապարակային․ Թևանյան․ ՏԵՍԱՆՅՈՒԹ
Առնվազն մինչև տարվա վերջ քովիդային ֆոնը կպահպանվի, և անհրաժեշտ են լինելու համապատասխան միջոցառումներ․ Վլադիմիր Վարդանյան. ՏԵՍԱՆՅՈՒԹ
04.09.2020 | 11:47
Արտակարգ իրավիճակի ռեժիմին անցումը հնարավորություն է տալիս, պահպանելով որոշակի սահմանափակումներ, վերացնել արտակարգ դրությունը։ Այս մասին այսօր Ազգային ժողովի արտահերթ նիստի իր ելույթում ասաց «Իմ քայլը» խմբակցության պատգամավոր Վլադիմիր Վարդանյանը՝ ընդգծելով, որ այս տարբերակին են անցել նաև եվրոպական շատ երկրներ։
«Այս կանոնակարգումները, ըստ էության, մեզ թույլ են տալու վերադառնալ բնականոն կյանքին՝ հաշվի առնելով այն համաշխարհային տենդենցը, որ մենք պետք է սովորենք աշխատել և ապրել COVID-ի պայմաններում։ Նշված կանոնակարգումները թույլ են տալիս Սահմանադրությամբ նախատեսված այն նվազագույն սահմանափակումները կիրառել, որոնք անհրաժեշտ են և համաչափ են ժողովրդավարական հասարակության համար»,- նշեց պատգամավորը։
Նրա խոսքով՝ կանխատեսումներն այնպիսին են, որ առնվազն մինչև տարվա վերջ այս քովիդային ֆոնը կպահպանվի։
Հիշեցնենք, որ ԱԺ-ն այսօր քննարկում է Կառավարության ներկայացրած օրենսդրական փաթեթը, որի ընդունումը հնարավորություն կտա այլևս չերկարաձգել Հայաստանում հայտարարված արտակարգ դրությունը:
Մանրամասները՝ տեսանյութում։
