19.09.2026 | 16:03
Երթ դեպի Եռաբլուր. հարգանքի տուրք է մատուցվել սեպտեմբերի 19-ի զոհերի հիշատակին
Բարձրախոսը միացած լինելու պատճառով լսվել է Գերմանիայի պաշտպանության նախարարի՝ Թուրքիայի վերաբերյալ խոսքերը
Քաղաքականություն
28.08.2020 | 18:23
Գերմանիայի արտգործնախարար Հայկո Մաասը օգոստոսի 25-ին թուրք-հունական հարաբերություններում առկա լարվածության շուրջ առանձին հանդիպումներ էր ունեցել Հունաստանի վարչապետ Կիրիակոս Միցոտակիսի և Թուրքիայի արտգործնախարար Մևլութ Չավուշօղլուի հետ. գրում է ermenihaber-ը:
Մաասի անցկացրած հանդիպումների արդյունքների վերաբերյալ Գերմանիայի պաշտպանության նախարար Աննեգրետ Քրամփ-Քարենբաուերը պատմել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ժոզեֆ Բորելին։ Վերջիններս այդ ժամանակ ներկա են գտնվել ԵՄ պաշտպանության նախարարների միջև Բեռլինում տեղի ունեցող ոչ պաշտոնական հանդիպմանը և դրան հաջորդող մամուլի ասուլիսին։
Քարենբաուերը և Բորելը մինչ մամուլի ասուլիս տալն առանձնազրույց են ունեցել սրահում, սակայն միկրոֆոնի միացած լինելու պատճառով նրանց խոսակցությունը լսել են լրագրողները։
Համացանցում է հայտնվել նրանց տեսաձայնագրությունը։
Բորելը գերմանացի նախարարին հարցրել է, թե ինչպե՞ս է անցել Մաասի հանդիպումները, վերջինս պատասխանել է․
«Հունական կողմի հետ հանդիպումն ավելի թեթև է անցել, սակայն թուրքական կողմի հետ՝ շատ բարդ էր»։
Բորելը նախարարին ի պատասխան մեկնաբանել է․
«Թուքիան բավական զայրացած է Աթենքի և Եգիպտոսի միջև կնքված համաձայնագրի պատճառով։ Կարծում են՝ հունական կողմն անվստահելի է»։
