19.09.2026 | 16:03
Երթ դեպի Եռաբլուր. հարգանքի տուրք է մատուցվել սեպտեմբերի 19-ի զոհերի հիշատակին
ԱՄՆ-ում կրկին ցույցեր են՝ ընդդեմ ռասսայական խտրականության. աֆրոամերիկացու են հրազենով վիրավորել. ԼՈՒՍԱՆԿԱՐՆԵՐ
Քաղաքականություն
26.08.2020 | 19:03
ԱՄՆ Վիսկոնսին նահանգի Քենոշա քաղաքում ոստիկանները աֆրոամերիկացի Ջեյքոբ Բլեյքին՝ իր մեքենայի դուռը բացելիս մի քանի անգամ հրազենային վիրավորում են հասցրել։ Կիրակի՝ 29-ամյա Բլեյքը փորձել է երկու կնոջ վեճի խառնվել։ Տղայի ընկերուհու՝ Լակեշ Բուքերի խոսքով՝ նրա մոտ զենք չի եղել, իսկ ոստիկանները նրա վրա մի քանի անգամ կրակել են թիկունքից։ Ջեյքոբը տեղափոխվել է Միլուոքիի հիվանդանոց, նրա վիճակը գնահատվում է ծայրահեղ ծանր։
Ջեյքոբի վիիրավորումից հետո քաղաքում զանգվածային բողոքի ցույցեր ու անկարգություններ են սկսվել, գրում է Daily Mail-ը՝ նշելով, որ մոտ 300 ցուցարար նախորդ գիշեր արդարություն է պահանջել։
Ավելի ուշ բախումներ են եղել ոստիկանների հետ, դատարանի շենքի մոտակայքում զրահատեխնիկա է նկատվել, իրավապահ ուժերն ամբոխը ցրելու համար արցունքաբեր գազ, ռետինե փամփուշտներ են կիրառել։ Բախումների ժամանակ ցուցարարներ են զոհվել։
Հիշեցնենք, որ ԱՄՆ-ում զանգվածային ցույցեր էին սկսվել ոստիկանի կողմից սևամորթ իրավախախտ Ջորջ Ֆլոյդի սպանությունից հետո: Մայիսի 25-ին տեղի ունեցած դեպքից հետո համացանցում տեսանյութ էր հայտնվել, որում երևում է, թե ինչպես է ոստիկանը ոտքով սեղմած պահում Ֆլոյդի պարանոցը՝ անտեսելով նրա աղաչանքները:
