07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Չեմ կարծում՝ պետք է 0 թվին մոտենալու նպատակ դնենք․ 50-100-ի շրջանակներում պահելը պետք է ընդունելի լինի․ Արսեն Թորոսյան. ՏԵՍԱՆՅՈՒԹ
12.08.2020 | 11:16
Յուրաքանչյուր հաջորդ շաբաթ օրական արձանագրված կորոնավիրուսի դեպքերի թիվը մոտավորապես 50-100-ով ցածր է, քան նախորդ շաբաթ այդ օրը արձանագրված դեպքերը։ Այս մասին այսօր Կառավարության արտահերթ նիստում հայտարարեց առողջապահության նախարար Արսեն Թորոսյանը։
«Ունենք բավական թեթև վիճակ հիվանդանոցային համակարգում թե՛ սովորական, և թե՛ ռեանիմացիոն մահճակալների մասով։ Ունենք իջած թվեր ծանր և ծայրահեղ ծանր պացիենտների, որը, իհարկե, դեռ տատանվում է մոտ 300-ի շրջանակներում, բայց իջեցման միտումը նույնպես պահպանվում է։ Իհարկե՝ ոչ իմ ասած 50-100-ի շրջանակներում, որովհետև ռեանիմացիոն հիվանդները շատ երկար են պառկում հիվանդանոցներում»,- նշեց Թորոսյանը։
Վերջինիս խոսքով՝ հաղթահարման փուլը շարունակվում է, և գործադրվող ջանքերը իր արդյունքները տալիս են․ «Իհարկե, չեմ կարծում, որ մեր առջև պետք է նպատակ դնենք 0 թվին մոտենալու, հավանաբար 50-100-ի շրջանակներում պահելը մեզ համար նույնպես պետք է ընդունելի լինի»,- նշեց Թորոսյանը։
Մանրամասները՝ տեսանյութում։
