24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Կրթությունը պետք է անցնի գործնականի․ Սերոբ Խաչատրյան. ՏԵՍԱՆՅՈՒԹ
Հասարակություն
09.07.2020 | 11:55
«Հանրակրթության չափորոշիչը գրվել է առանց երկու կարևոր քայլեր կատարելու, որոնց նոր պետք է հաջորդեր այս փաստաթղթի ստեղծումը։ Առաջինը՝ կարիքների գնահատումն է, ինչը, ցավոք, չի արվել։ 2015-ին արվել է կարիքների գնահատում, բայց հիմա երկրում իրավիճակն այլ է։ Կարիք կա հասկանալու՝ այս 16 տարվա ընթացքում ինչ է արվել կոնկրետ ձևավորող գնահատման հետ կապված, ինչու չի աշխատել և ինչ խոչընդոտներ են եղել։ Անհրաժեշտ է հասկանալ՝ ինչն է խնդիրը»,- հանրակրթության նոր չափորոշիչին վերաբերող քննարկմանն ասաց կրթության փորձագետ Սերոբ Խաչատրյանը։
Նա մտահոգություն ունի, որ 30-35 հոգանոց դասարաններում 22 ժամ պարապող ուսուցիչների համար ձևավորող գնահատում իրականացնելը բավական լուրջ բեռնվածություն է լինելու։
«Ես, ճիշտն ասած, համաձայն չեմ կարողունակություն բառի հետ։ Կառաջարկեի օգտագործել գործունակություններ բառը։ Կրթությունը պետք է անցնի ավելի գործնականի, քանի որ նախկին մոտեցումները կրթության եղել են տեսական, անգիր անելու վրա։ Կոմպետենցիան դպրոցից պահանջում է ոչ միայն տալ տեսական գիտելիք երեխային, այլ նաև դա հասցնել գործնականության աստիճանի»,- ասաց Սերոբ Խաչատրյանը։
Մանրամասները՝ տեսանյութում:
