19.04.2026 | 21:12
Երևան-Գյումրի ավտոերթին մասնակցել է 1230 մեքենա. ԻՔՄ
Պատվաստանյութ լինելու է․ դա միակ բանն է, որ թույլ կտա վերադառնալ առանց դիմակների կյանքին․ Թորոսյան. ՏԵՍԱՆՅՈՒԹ
07.07.2020 | 11:35
Աշխարհում այս պահին մշակվում է կորոնավիրուսի մոտ 200 պատվաստանյութ, որոնցից մոտ 20-ը մեծ շանս ունեն դառնալու վերջնական պրոդուկտ։ Այս մասին այսօր ասուլիսի ժամանակ հայտնեց առողջապահության նախարար Արսեն Թորոսյանը։
«Ամեն դեպքում պատվաստանյութ լինելու է, այդ համոզումը եկել է ժամանակի ընթացքում։ Այդ համոզման զարգացմանը զուգընթաց երկրները քննարկում են ապագա վերջնական հաստատված պատվաստանյութերի գնման հարցերը։ «Մոդեռնա» ընկերության պատվաստանյութը դրանցից մեկն է, բայց միակը չէ։ Բանակցություններն իհարկե գնում են, բայց դրանք շատ նախնական են և այստեղ նույնիսկ ապագա պրոդուկտների վաճառքի հարցում անորոշությունները շատ մեծ են»,- նշեց Թորոսյանը։
Վերջինիս խոսքով՝ հիմա բոլորը փորձում են դեռ չարտադրված պատվաստանյութերի խմբաքանակներ գնել, նույնիսկ գումարը նախապես վճարելով։ «Իհարկե, բանակցությունների մեծ մասը գաղտնիության քողի տակ են գնում, սակայն մենք որոշել ենք առնվազն սկսել խոսակցություններ, թե՛ ուղիղ արտադրողների և թե՛ հավաքական գնորդների հետ»,- նշեց Թորոսյանը։
Նախարարի խոսքով՝ պատվաստանյութը փաստացի միակ բանն է լինելու, որը մեզ թույլ է տալու վերադառնալ առանց դիմակների, առանց սոցիալական հեռավորության կյանքին։
Մանրամասները՝ տեսանյութում։
