09.12.2025 | 18:26
Դրոշմավորման QR կոդերի արժեքը կնվազի․ նոր գինը կկիրառվի հունվարի 1-ից
Զերծ մնացեք քննական կենտրոնների մոտ ավանդական հավաքներից․ ԿԳՄՍ նախարարի կոչը ծնողներին. ՏԵՍԱՆՅՈՒԹ
Հասարակություն
01.07.2020 | 18:29
Վաղը մեկնարկում են միասնական ընդունելության քննությունները, այսօր արդեն ներբուհական քննություններ են անցկացվել։ Եվ մենք ամիսներ առաջ, երբ կորոնավիրուսը նոր էր տարածվել, լրջորեն քննարկում էինք քննությունների անցկացման հնարավորությունը։ Պարետատան այսօրվա նիստից հետո հրավիրված ճեպազրույցում ասաց ԿԳՄՍ նախարար Արայիկ Հարությունյանը։
«Մեր գործընկերների մի մասն ասում էր, որ հնարավոր չի լինելու, որովհետև որոշակի վտանգներ է պարունակում, բայց մենք որոշում կայացրեցինք՝ անցկացնել ընդունելության մեկ քննություն՝ ապահովելով անվտանգության բոլոր կանոնները։ Ըստ դրա՝ Հայաստանի 47 քննական կենտրոններում, որոնցից 17-ը Երևանում է, հուլիսի 2-ին, 4-ին, 6-ին և 8-ին տեղի կունենան միասնական քննություններ։ Այս ճեպազրույցին իմ մասնակցության հիմնական նպատակն այն է, որ դիմենք մեր ծնողներին և դիմորդների բոլոր ուղեկցողներին՝ խնդրելով հնարավորինս զերծ մնալ քննական կենտրոնի մոտ ավանդական հավաքներից»,- ասաց Արայիկ Հարությունյանը։
Նախարարը նշեց նաև, որ սերտ համագործակցում են Ոստիկանության, մարզային իշխանությունների, ԱԻՆ-ի հետ, և այս ընթացքում քննական կենտրոնները պատշաճ կերպով նախապատրաստվել են քննություններին։
Մանրամասները՝ տեսանյութում։
