17.09.2026 | 18:59
Թուրք ընդդիմադիր պատգամավորը Հայաստան-Թուրքիա սահման է այցելել և կոչ է արել բացել այն
ՇՎՏՄ-ն Գյուրիում մի շարք բենզալցակայանների գործունեություն է կասեցրել․ ԼՈՒՍԱՆԿԱՐՆԵՐ
Հասարակություն
30.06.2020 | 19:14
Շուկայի վերահսկողության տեսչական մարմնի ներկայացուցիչներն այսօր պարետատան սահմանած հակահամաճարակային անվտանգության պահպանման նորմերի առնչությամբ մշտադիտարկումներ են անցկացրել Գյումրիում։ Որոշ տնտեսվարողների գործունեություն կասեցվել է։ Խոսքը, մասնավորապես, բենզալցակայանների մասին է։
Նշենք, որ մի քանի օր առաջ էլ տեսչական մարմնի ներկայացուցիչները Գյումրիում ստուգումներ էին իրականացրել շինարարական խանութներում, հեղուկ վառելիքի, սեղմված բնական կամ հեղուկացված նավթային գազի մանրածախ առևտրի կետերում:
Որոշ տնտեսվարողների մոտ խախտումներ էին հայտնաբերվել։ Դրանք հիմնականում վերաբերում են դիմակ կրելը պարտադիր լինելու մասին իրազեկման թերթիկների, դիմակների և ձեռնոցների համար նախատեսված հատուկ փակ աղբամանների, ջերմաչափերի և ջերմաչափման գրանցամատյանների բացակայությանը։
Խախտումների արձանագրություններն ուղարկվել են պարետատուն։ Պարետի որոշմամբ՝ մի շարք բենզալցակայանների գործունեությունն այսօր 24 ժամով կասեցվել է։
Էմմա Չոբանյան
