Մայրաքաղաքում սկսել են փակել բազմաբնակարան շենքերի աղբամուղերը

Լուրեր

17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
17.11.2026 | 12:18
Երևանում մեկնարկել են հայկական երկաթուղու շուրջ հայ-ռուսական քննարկումները
17.11.2026 | 12:17
Ողջունո՞ւմ եք երաժշտական դպրոցի տնօրենի պահվածքը. Արշակ Սարգսյանը` Ավինյանին․ ՏԵՍԱՆՅՈՒԹ
17.11.2026 | 12:10
ԱԺ-ն ընդդիմության նախագիծն օրակարգում չընդգրկեց // Ղրիմի կամրջի մի հատված փլուզվել է․ ԼՈՒՐԵՐ
17.11.2026 | 12:04
ՈՒԵՖԱ-ն իր թեկնածուին է ընտրել ՖԻՖԱ-ի նախագահի ընտրություններում
17.11.2026 | 11:58
Ռուբեն Ռուբինյանի ճեպազրույցը՝ ՈՒՂԻՂ
17.11.2026 | 11:56
Պերուում Հռոմի պապի աչքին է դիպել ամբոխից նետված տերողորմյան․ ՏԵՍԱՆՅՈՒԹ
17.11.2026 | 11:55
Ինչո՞վ եք տարբերվում սովետից, 99 տոկոս քվեարկում էին Կոմկուսի օգտին. Արթուր Խաչատրյանը` ՔՊ-ին․ ՏԵՍԱՆՅՈՒԹ
17.11.2026 | 11:47
ԱՄՆ-ում քննարկվել են Հայաստանի՝ տարածաշրջանային տեխնոլոգիական կենտրոն դառնալու հնարավորությունները
17.11.2026 | 11:38
Մոնղոլիայի նախագահը հայտարարել է հրաժարականի մասին՝ 25 միլիոն դոլարի կաշառք ստանալու մեղադրանքների ֆոնին
17.11.2026 | 11:35
Հասմիկ Հակոբյանի ճեպազրույցը՝ ՈՒՂԻՂ
17.11.2026 | 11:30
Հայտնի է՝ որ զամբյուղում է լինելու Հայաստանի հավաքականը Եվրո-2028-ի որակավորման փուլի վիճակահանության ժամանակ
17.11.2026 | 11:19
Գերմանիայի ԱԳ նախարարը Հայաստան և Ադրբեջան է ժամանում
Բոլորը

Երևանի մի շարք վարչական շրջաններում սկսել են փակել բազմաբնակարան շենքերի աղբամուղերը՝ համայնքային իշխանության, համատիրությունների ու բնակիչների համագործակցությամբ:

«60 և ավելի բնակարաններ միացան, և իրենց ցանկությամբ ու ստորագրությամբ մենք փակեցիքն աղբամուղի խցիկները և աղբամաններ տեղադրեցինք: Հիմա արդեն բունկերը մաքուր է, չոր է, հոտի տարածում չկա»,- ասում է համատիրության կառավարիչ Մելքոմ Խաչատուրյանը:

«Շատ մեծ զավեշտ է, որ ժամանակին կառուցել են այնպիսի շենքեր, որոնց աղբամուղերը եղել են հենց անմիջապես շենքի մեջ: Բազմաթիվ զարգացած ու զարգացող երկրներում ոչ մի նմանատիպ նախագծեր չունենք: Բայց ինչ արած, այդ սխալը մենք կուղղենք, ինչը որ անում ենք»,- նշում է Երևանի Դավթաշեն վարչական շրջանի ղեկավար Միքայել Թումասյանը:
Աղբամուղերը բազմաբնակարանների սեփականատերերի տնօրինության տակ են, այդուհանդերձ, քաղաքային իշխանությունը խրախուսում է դրանց կոնսերվացումը։

«Ըստ օրենքի՝ մենք պետք է ունենանք բնակիչների երկուերորդի համաձայնությունը: Այսինքն, եթե 60 բնակչից գոնե 40-42 հոգի ստորագրեն, իրականանում է ծրագիրը»,- ընդգծում է Միքայել Թումասյանը:

«Գործընթացը սկսվեց բնակիչների հետ բանակցության և բացատրական աշխատանքով: Մեծ մասը կողմ էր, որ աղբամուղերը փակվեն: Կա նպատակ, որ մինչև տարեվերջ ամբողջ վարչական շրջանում փակված լինեն բոլոր աղբամուղերը: Լավ ցուցանիշներ ենք գրանցել և գոհ ենք սկսած գործընթացից»,- նշում է Երևանի Աջափնյակ վարչական շրջանի ղեկավար Թելման Թադևոսյանը:

«Շատ ուրախ կլինեմ, որ սա համատարծ բնույթ կրի բոլոր վարչական շրջաններում, և օգտվելով առիթից՝ ուզում եմ մեր Նոր Նորքի բնակիչներին կոչ անել, մյուս շենքերը, որոնք դեռ չեն համաձայնվել կամ միգուցե տեղյակ չեն, շուտ արձագանքեն, և իրենց աղբամուղերը նույնպես փակենք ու անցնենք ավելի բարեկեցիկ կյանքի»,- ասում է Երևանի Նոր Նորք վարչական շրջանի ղեկավարը:
Մինչ զոդման աշխատանքների իրականացումը՝ նախ աղբամուղերն ամբողջությամբ մաքրվում են հատուկ նյութով:

«Ախտահանում ենք իրականացնում ամբողջական, հատուկ հեղուկներով լվանում ենք, որովհետև տարիների կուտակված կեղտ կա: Աղբախցերը մաքրում ենք ու հանձնում բնակչությանը: Սկզբնական շրջանում բավականին բողոքներ կային, հիմա արդեն ստանում ենք զանգեր, որ շնորհակալություն են հայտնում կատարված աշխատանքի համար»,- նշում է Երևանի Աջափնյակ վարչական շրջանի ղեկավարի աշխատակազմի աշխատակից Վարդգես Զուռնաչյանը:

Փակվող աղբամուղերի փոխարեն շենքերի մոտակայքում տեղադրվում են անհրաժեշտ քանակության նոր աղբամաններ։
«Հիմա այս պահին մենք մեր ենթակապալառուների միջոցով ենք այս աղբախցերը տեղափոխում: Ճիշտ է, հիմա ենթակապալառուների փոխարեն տանելու են մեր մեքենաները, մի քիչ բարդանում է մեր աշխատանքը, բայց մենք չենք տրտնջում, շատ լավ նախաձեռնություն է»,- ասում է «Երևանի աղբահանություն և սանիտարական մաքրում» համայնքային հիմնարկի տնօրեն Արմեն Գրիգորյանը:

Գործընթացի մեկնարկից մինչ օրս Աջափնյակում 90, Դավթաշենում 33, Մալաթիա-Սեբաստիայում 24 և Նոր Նորքում 16 աղբամուղ է փակվել: Շատ շուտով բազմաբնակարան շենքերի մոտ նաև աղբի տեսակավորման համար նախատեսված տարագույն աղբարկղեր կավելանան։