19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Իսկ ի՞նչ անեն Մարալիկ կամ Արթիկ քաղաքներում ապրող ծնողները․ պատգամավորը՝ փոխնախարարին. ՏԵՍԱՆՅՈՒԹ
Հասարակություն
24.06.2020 | 16:08
ԱԺ արտահերթ նիստում քննարկվում է Կառավարության կողմից ներկայացված օրենքի նախագիծ, որով առաջարկվում է գյուղական բնակավայրում բնակվող ծնողին, մինչև երեխայի 2 տարին լրանալը, խնամքի նպաստ նշանակել և վճարել՝ անկախ ծնողի աշխատելու հանգամանքից, իսկ եթե ծնողը վարձու աշխատող է, ապա նպաստը կրկնապատկել: Այս կարգավորումը կտարածվի 2020 թվականի հուլիսի 1-ից հետո ծնված երեխաների պարագայում:
«Պետական նպաստների մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքի նախագիծն ազգային ժողովում ներկայացրեց աշխատանքի և սոցիալական հարցերի փոխնախարար Սմբատ Սաիյանը։
«Իմ քայլը» խմբակցության պատգամավոր Սոֆիա Հովսեփյանը նշեց, որ լավ կլիներ՝ սա տարածվեր նաև մարզերի փոքր քաղաքներում ապրող ծնողների վրա։
«Գյուղական բնակավայրերի ծնողներին, այո՛, շատ լավ է, որ տրվում է այս գումարը։ Իսկ ի՞նչ անի քաղաքում բնակվողը, օրինակ՝ Արթիկ կամ Մարալիկ քաղաքում, որտեղ կենցաղային առումով բավականին լուրջ խնդիրներ կան, 1-2 տարեկան երեխաների համար թեկուզ այդ փոքրիկ գումարը կարող էր մեծ խթան հանդիսանալ»,- նշեց պատգամավորը։
Մանրամասները՝ տեսանյութում։
