03.08.2026 | 23:14
Արմավիր քաղաքի ռեստորաններից մեկի մոտակայքում ավտոմեքենա է այրվել
ՍԴ-ի և ԱԺ-ի միջև «հաշտության կամուրջ» սահմանելու մասին մտածե՞լ եք․ Բաբաջանյանը՝ Բադասյանին ՏԵՍԱՆՅՈՒԹ
Քաղաքականություն
22.06.2020 | 13:54
Արդյո՞ք իշխանության ներկայացուցիչները մտածել են Ազգային ժողովի և Սահմանադրական դատարանի միջև «հաշտության կամուրջ» ստեղծելու մասին։ Այսօր ԱԺ արտահերթ նիստում նման հարց ուղղեց պատգամավոր Արման Բաբաջանյանը արդարադատության նախարար Ռուստամ Բադասյանին։
«Մենք հիմա ուղիներ ենք փնտրում, որպեսզի հաշտվենք ՍԴ-ի նաև այն անդամների հետ, ում վերաբերյալ մենք շատ հստակ ունեցել ենք համոզում, որ նրանք տարիներ շարունակ բռնաբարել են երկրում սահմանադրական արդարադատությունը, և այդ մարդիկ պիտի շարունակեն պաշտոնավարել։ ԱԺ-ի և ՍԴ-ի այդ գործող անդամների՝ ինչ-որ կերպ ԱԺ գալու և նրանց մասնակից դարձնելու այս ժողովրդավարական գործընթացին, ինչ-որ մի ընթացակարգ կարո՞ղ ենք մտածել, ներդնել երկրորդ ընթերցման համար, որը կլեգիտիմացնի և հաշտության կամուրջ կսահմանի ԱԺ-ի և ՍԴ-ի միջև»,- նշեց պատգամավորը։
Ի պատասխան՝ Բադասյանը նշեց, որ կմտածեն այս հարցերի շուրջ, երբ կոնկրետ առաջարկ կլինի։
Հիշեցնենք, որ «Իմ քայլը» խմբակցության պատգամավորները ՀՀ Սահմանադրության փոփոխությունների նախագիծ են ներկայացրել, որով փոփոխության է ենթարկվում Սահմանադրության անցումային դրույթների 213-րդ հոդվածը: Նախագիծը նախատեսում է, որ պետք է դադարեն ՍԴ այն անդամների լիազորությունները, որոնք պաշտոնավարել են 12 տարուց ավելի և նրանց փոխարեն նշանակվեն ՍԴ նոր անդամներ:
Մանրամասները՝ տեսանյութում։
