Հասարակություն
05.06.2020 | 16:45Factor.am-ն այսօր խորհրդարանում ՀՀ ոստիկանապետ Արման Սարգսյանից հետաքրքրվեց՝ նորմա՞լ է, երբ քաղաքացիները խիստ ռեժիմի պայմաններում ահազանգում են ոստիկանություն՝ նշելով, որ մարդիկ բակում խնջույք են կազմակերպել, ոստիկանները գնում են տվյալ տարածք, տեսնում են այդ ամենը և ոչինչ չձեռնարկելով՝ հեռանում։
Ոստիկանապետը հարցին արձագանքեց՝ նշելով. «Իհարկե, նորմալ չէ, աննորմալ է»։ Մյուս դիտարկմանը, թե իշխող ուժից պարբերաբար ասում են, որ ոստիկանությունը պետք է բարեփոխվի, ի վերջո ե՞րբ է դա լինելու, Սարգսյանն ասաց. «Ոստիկանությունը պետք է բարեփոխվի, ձեզ հետ, միանշանակ, համաձայն եմ։ Պետք է մի դիտարկում անեմ և կարծում եմ, որ դուք էլ կհամաձայնեք. ոստիկաններն էլ մեր հասարակության անդամներ են, ունեն նույն խառնվածքը, ապրելու, գործելու նույն տրամաբանությունն ու ավանդույթները, ինչպես որ բոլորը»։
Մանրամասները՝ տեսանյութում:
Մերի Մարտիրոսյան
