10.06.2026 | 21:52
Ադրբեջանի ռազմածովային ուժերը Կասպից ծովում զորավարժություններ են անցկացնում
Տեղեկություններ են ստացվում, որ դպրոցներում կուտակումներ կան․ բոլոր հետքերով գնալու ենք․ նախարար. ՏԵՍԱՆՅՈՒԹ
Հասարակություն
03.06.2020 | 13:08
Այս օրերին մենք դպրոցներում, համապատասխան ցուցումները պահպանելով, պետք է իրականացնենք դասագրքերի և ատեստատների հանձնում, որի համար որևէ դպրոցի պարագայում ժամկետ չի սահմանվել։ Բայց տեղեկություններ են ստացվում փոքրաթիվ դպրոցների վերաբերյալ, որ կուտակումներ կան։ Ֆեյսբուքյան ուղիղ եթերում այս մասին ասաց ՀՀ ԿԳՄՍ նախարար Արայիկ Հարությունյանը։
«Ուզում եմ ասել, որ դա ուղիղ տնօրենների պատասխանատվությունն է։ Եթե նման բաներ կան ձեր բակերում և դպրոցներում, ես հենց հիմա հրահանգում եմ, որպեսզի այդ կուտակումներին վերջ տրվի, թեպետ մեկ-երկու տեղից ենք նման ահազանգ ստացել, բայց հենց հիմա պետք է բոլոր տնօրեններն այդ ամեն ինչին վերջ տան»,- ասաց նախարարը։
Արայիկ Հարությունյանն ասաց՝ բոլոր ահազանգերի հետքերով գնալու են։
«Ես հիմա անձամբ գնալու եմ որոշ դպրոցներ և հասկանալու եմ՝ արդյո՞ք նման երևույթներ կան։ Անցած Կառավարության նիստին շատ խիստ ասվել է, որ նման հավաքների, հավաքույթների համար պատասխանատվություն են կրելու ուսումնական հաստատությունների ղեկավարները։ Եվ եթե խախտումներ լինեն, այո՛, ամենախիստ ձևով պատժվելու են»,- ասաց նա։
Մանրամասները՝ տեսանյութում։
