10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Անգելա Մերկելին չի հաջողվել կոալիցիա ձևավորել. Գերմանիայում նորից ընտրություննե՞ր են սպասվում
Քաղաքականություն
20.11.2017 | 10:47
Ընտրություններից երկու ամիս անց Գերմանիայի կանցլեր Անգելա Մերկելի փորձերը՝ Բունդեսթագի երեք կուսակցություններից որևէ մեկի հետ կոալիցիա կազմել, կիրակի օրը վերջնականապես ձախողվել է: Այժմ Գերմանիայի կանցլերի չորրորդ ժամկետի հարցն օդում կախված էր. գրում է BBC-ի ռուսական ծառայությունը:
Երբ Ազատ դեմոկրատների «դուռն էլ փակվեց» Մերկելի առաջ, ազգայնականների աճից թուլացած Մերկելին մնաց մի քանի տարբերակ, ընդ որում՝ մեկը մյուսից վատը. մի երկու «կանաչների» հետ կառավարության փոքրամասնություն կազմել կամ նոր ընտրություններ նշանակել:
Խորհրդարանում մեծամասնական կոալիցիա կազմելու Մերկելի անկարողությունը նրա ձեռքերը կկապի: Թուլացած կառավարությունը ստիպված է զգուշանալ՝ ժողովրդականության մնացուկը չկորցնելու համար:
Հիշեցնենք, որ սեպտեմբրի 24-ին Գերմանիայում կայացած ընտրությունների արդյունքում 2-րդ տեղում հայտնված Մարտին Շուլցի գլխավորած Սոցիալ-դեմոկրատների միությունը ստացել էր ձայների 25,7 տոկոսը: Factor.am-ը, որ տեղում լուսաբանում էր ընտրությունները, տեղեկացրել էր, որ Շուլցը հայտարարել էր՝ այսուհետ ընդդիմադիր ճամբարում է գործելու:
«Մենք մեր ձայները կորցրեցինք նաև այն պատճառով, որ այդքան ժամանակ գտնվեցինք իշխանական կոալիցիայում՝ Մերկելի «բամբակյա» քաղաքականության գործընթացում: Սակայն սա հանգեցրեց լուրջ խնդրի, և մենք չենք կարող թույլ տալ, որ երկրում ժողովրդավարությունը վտանգվի: Մենք ժողովրդավարության պատվարն ենք, և այսուհետ լինելու ենք ընդդիմադիր դաշտում»,- կուսակիցների ծափերի ներքո հայտարարել էր Շուլցը:
