19.09.2026 | 19:46
Ռազմական ոստիկանության պետը խորհրդակցություն է անցկացրել․ հանձնարարականներ են տրվել
Հավատարիմ ենք մեր միջնորդական հանձնառությանը․ ԱՄՆ դեսպանը՝ ԼՂ հակամարտության կարգավորման մասին. ՏԵՍԱՆՅՈՒԹ
Քաղաքականություն
21.05.2020 | 17:13
ԱՄՆ-ն շարունակում է ակտիվ ներգրավված մնալ այս աշխատանքներում՝ որպես ԵԱՀԿ Մինսկի խմբի համանախագահ։ Մենք փորձում ենք ԵԱՀԿ համանախագահների հետ կառուցողական ձևով մեր աշխատանքն իրականացնել։ Շարունակում ենք հավատարիմ մնալ այս երկարատև հակամարտությունը կարգավորելուն ուղղված միջնորդական ջանքերում ներգրավված լինելու մեր հանձնառությանը։ Այս մասին այսօր ՝ Հայաստանին ցուցաբերվող ԱՄՆ աջակցության և նոր կորոնավիրուսով պայմանավորված ճգնաժամի շուրջ հայ-ամերիկյան համագործակցության մասին առցանց ուղիղ հեռարձակման ընթացքում նշեց Հայաստանում ԱՄՆ դեսպան Լին Թրեյսին՝ անդրադառնալով ղարաբաղյան հակամարտությանը։
«Արժանահիշատակ է այն, որ այս գլոբալ համավարակի պայմաններում ևս՝ ԵԱՀԿ-ի շրջանակում շարունակվում են քննարկումները, խորհրդակցույթունները, նաև կողմերի ներգրավմամբ, վիրտուալ միջավայրում, և այս գործընթացը շարունակվում է։ Որպես համանախագահ՝ մեր խնդիրն է աջակցել, որպեսզի այս հակամարտությանը տևական, խաղաղ կագավորում լինի»,- ասաց ԱՄՆ դեսպանը։
Մանրամասները՝ տեսանյութում։
Նելլի Մելքոնյան
