02.05.2024 | 16:10
Վարչապետի աշխատակազմը հերքում է Անահիտ Ավանեսյանին պաշտոնից ազատելու լուրերը
Հանրային միջոցառումներին մասնակցող անձանց թույլատրելի քանակը 20-ից դարձել է 5․ Ավինյան. ՏԵՍԱՆՅՈՒԹ
14.05.2020 | 18:06
Մենք որոշում ենք մանկապարտեզները բացել, բայց դա ռիսկերն ավելացնում է, քանի որ սոցիալական հեռավորության, դիմակներ կրելու կարգը չենք կարող պարտադրել երեխաներին, և դա կարող է վարակի շատ մեծ ռիսկեր առաջացնել երեխաների շրջանում: Ի՞նչ ենք նախատեսում անել: ԱԺ հատուկ նիստում ՀՀ փոխվարչապետ, պարետ Տիգրան Ավինյանին նման հարց ուղղեց պատգամավոր Արման Բաբաջանյանը:
«Մեզ մոտ երեխաների դեպքերն անցել են ասիմպտոմ, ծանր դեպքեր ես այս պահին չեմ մտաբերում: Իրականում, երեխաների վրա ազդեցությունը համարվում է ամենանվազ վտանգավորը՝ տարիքային այլ խմբերի համեմատ»,- նշեց նա:
Իսկ հարցին, թե ինչպես են կազմակերպվելու, օրինակ, եկեղեցական արարողությունները, Տիգրան Ավինյանը պատասխանեց, որ որքան էլ սահմանափակումները նվազեցվել են, միաժամանակ, որոշ սահմանափակումներ ավելի են խստացվել:
«Մասնավորապես, հանրային միջոցառումների մասնակցող անձանց թիվը 20-ից նվազեցրել ենք 5-ի: Այսինքն՝ այս տրամաբանության մեջ պետք է լինի»,- ասաց նա:
Մանրամասները՝ տեսանյութում:
