Գյումրիում ծեծի ենթարկված 13-ամյա աղջկա խնամակալության հարցը դեռ որոշված չէ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Գյումրիում մարտի 5-ին դաժան ծեծի ենթարկված 13-ամյա աղջկա խնամակալության հարցը դեռ որոշված չէ։ Այս մասին Factor.am-ի հետ զրույցում ասաց Գյումրիի խնամակալության ու հոգաբարձության հանձնաժողովի նախագահ Էդուարդ Բաղրամյանը։

Նա նշեց, որ աղջիկը վերականգնվում է, սպասում են ստեղծված իրավիճակի ավարտին՝ գործընթացը շարունակելու համար։

«Գործընթացը դադարեցված է, երեխան հիվանդանոցում է: Արդեն վերականգնողական բաժնից տարել են սովորական պալատ, իրեն լավ է զգում,   վերականգնողական պրոցեսն է անցնում։ Սպասում ենք՝ մինչև այս օրերն անցնեն, որ իրեն տեսակցելու իրավունք ունենանք։ Այս ամենն անցնի, նոր շարունակենք, նաև երեխան վերջնական կկազդուրվի»,- ասաց Էդուարդ Բաղրամյանը:

Նա հավելեց, որ որոշումը կայացնելիս աղջկա համաձայնությունը պարտադիր է. «Կոնկրետ մեր մասով որոշում կայացնելու համար դեռ պիտի իր հետ զրուցենք, ինչ որոշում էլ կայացնենք, իր համաձայնությունը պարտադիր է։ Առանց իրեն հարցնելու չենք կարող»:

Մեր զրուցակիցը նաև ասաց՝ մամուլից տեղյակ են, որ աղջկա եղբայրն այցելել է նրան, բայց հարազատների ու եղբոր հետ խնամակալության հարցով չեն խոսել։

«Հարազատների հետ խոսելու ցանկություն էլ չունենք, որովհետև իրենք բացարձակ շահագրգռված չեն խնդրին աջակցելու»,- ասաց Էդուարդ Բաղրամյանը։

Աղջկա խնամակալությունը ստանձնելու հարցով նոր դիմումներ էլ չկան։ Նշենք, որ ավելի վաղ Երևանում բնակվող մի կին էր դիմել՝ 13-ամյա աղջկա խնամակալությունը ստանձնելու համար։

Հիշեցնենք, որ  մարտի 5-ին ժամը 15:40-ին հիվանդանոցից Գյումրիի Ոստիկանության Մուշի բաժին հաղորդում է ստացվել, որ «տրավմային շոկ, գանգուղեղային փակ վնասվածքով» Պռոշյան փողոցի տներից մեկից բուժօգնության է տեղափոխվել 13-ամյա մի աղջիկ: Դեպքի վայր մեկնած օպերատիվ խմբի ծառայողները բնակարանում հայտնաբերել էին  աղջկա մոր՝ 43-ամյա Մարինե Խ.-ի դին՝ բռնության հետքերով: Երեխան տեղափոխվել էր «Գյումրու մոր և մանկան ավստրիական մանկական» հիվանդանոց, ապա Երևան։

Հանցագործությունը կատարելու կասկածանքով բերման էր ենթարկվել ու կալանավորվել 28-ամյա մի տղամարդ։ Նա սկզբում  խոստովանել էր, որ ինքն է ծեծի ենթարկել 42-ամյա կնոջը և նրա անչափահաս դստերը, ապա ավելի ուշ հրաժարվել էր իրեն առաջադրված մեղադրանքից ու ցուցմունք տալուց։ Տղամարդը, որը կնոջ ընկերն էր, կենցաղային, խանդի  հողի վրա նախ հարվածել էր  կնոջը, ապա նաև վեճին միջամտած աղջկան։

Դեպքի առթիվ 2020 թվականի մարտի 5-ին Շիրակի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 2-րդ մասի 1-ին (երկու կամ ավելի անձանց նկատմամբ) և 14-րդ (անզգուշությամբ առաջացնելով տուժողի մահ) կետերով:

Էմմա Չոբանյան