10.08.2026 | 19:00
Վարժական հավաքներին մասնակցած արտերկրում աշխատողների կորցրած եկամուտը չի փոխհատուցվում
«Այս պահին Թուրքիայից ահազանգ չունենք՝ Հայաստան ժամանել ցանկացողների մասին»․ Զարեհ Սինանյան. ՏԵՍԱՆՅՈՒԹ
Տեսանյութեր
17.04.2020 | 16:36
Վրաստանի հետ պայմանավորվածության արդյունքում մոտ 70 հոգի կարողացավ հատել թուրք-վրացական սահմանը և ժամանել Հայաստան։ Նրանք այժմ կարանտինի մեջ են։ Այս պահին Թուրքիայից ահազանգ չունենք՝ Հայաստան ժամանել ցանկացողների մասին։ Այս մասին այսօր հրավիրված ասուլիսի ընթացքում նշեց Հայաստանում Սփյուռքի գործերի գլխավոր հանձնակատար Զարեհ Սինանյանը։
«Թուրքիայի հայ համայնքի հետ կապի մեջ ենք։ Այնտեղ էլ համավարակը լուրջ ընթացք է ստացել և այնտեղ էլ սահմանափակումների մեջ են ապրում՝ ինչպես ամեն տեղ։ Այս պահին մեզ շատ են դիմում՝ կապված այն քաղաքացիների հետ, որոնք, բառի բուն իմաստով, հայտնվել են Ռուսաստանում, այս պահին չունեն աշխատանք, կացարան և ուզում են Հայաստան գալ։ Այս պահին նրանց համար կացարան ենք փնտրում։ Խնդիրն այն է, որ նրանցից շատերը, հնարավոր է, վարակված են, իսկ շատ տեղերում նրանց, ովքեր քաղաքացի չեն, բայց վարակված են, բժշկական ծառայություններ չեն մատուցում։ Մեղմ ասած՝ խնդիրը լուրջ է»,- ասաց Զարեհ Սինանյանը։
Մանրամասները՝ տեսանյութում։
Նելլի Մելքոնյան
